Ўзбекистон коронавирусга қарши кураш учун 720 миллион доллардан зиёд маблағ сарфлади – «Анадолу» ахборот агентлиги
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Covid-19 пандемияси оқибатларини юмшатиш бўйича Ўзбекистон раҳбарияти томонидан олиб борилаётган фаол чора-тадбирлар хорижий оммавий ахборот воситаларида катта қизиқиш уйғотмоқда.
Жумладан, Туркиянинг етакчи ахборот агентлиги «Анадолу» «Ўзбекистон коронавирусга қарши кураш учун 720 миллиондан ортиқ маблағ сарфлади» сарлавҳали мақоласида ушбу маблағлар республиканинг Инқирозга қарши кураш жамғармаси ва халқаро молия институтларидан ажратилганини айтиб ўтади.
Таъкидланишича, коронавирусга қарши курашга Инқирозга қарши кураш жамғармасидан 2,25 триллион сўм ва халқаро молия институтлари маблағлари ҳисобидан 500 миллион доллар йўналтирилган. Шу билан бирга, Туркия оммавий ахборот воситалари Ўзбекистонда коронавирус билан оғриган беморларнинг 66 фоиздан ортиғи тўлиқ соғайгани, карантиндаги беморларнинг 83 фоизи уйларига қайтганини айтади.
“Анадолу” агентлигининг келтиришича, мамлакат раҳбарияти шифохоналарда қолган 740 беморни даволаш, соғлиғини тиклаш ва оилаларига қайтариш учун барча чораларни кўрмоқда.
Агентликнинг ушбу мавзуга бағишланган иккинчи мақоласи «Ўзбекистон 11 минг нафар фуқарони чет элдан қайтаришни режалаштирмоқда» сарлавҳаси остида нашр этилди. Унда Президент Шавкат Мирзиёевнинг «Ҳаммага маълумки, кўп давлатларда Ўзбекистон фуқаролари бор. Биз ҳозир тизимли равишда, имкониятимизга қараб уларни олиб келишимиз керак. Россия, Туркия, Дубай ва бошқа жойлардан олиб келишни бошладик ҳам. Улар орасида қийналганлари бор. 11 мингга яқини анча қийналган. Режа қилиб, биринчи навбатда уларни олиб келиш бўйича чоралар кўряпмиз», деган фикрлари келтирилган.
Шунингдек, манбада айни пайтда Ўзбекистонда 45 минг одам карантинга олингани қайд этилган. Бошқа давлатлардан чартер рейсларда ўз ватанига қайтиб келганлар орасида коронавирус билан касалланганлар борлиги қайд этилади. Шу сабабли хорижда бўлиб турган фуқароларни ватанга қайтаришда эҳтиёткорлик чораларини кўриш зарурлиги эслатиб ўтилади.
«Ўзбекистон раҳбарияти қийинчиликларга қарамай коронавирусни енгишга катта куч сарфламоқда ва мамлакатнинг янада равнақ топиши учун конструктив мулоқотни давом эттирмоқда», дейилади мақола сўнгида.
/«Дунё» АА/.
