Ўзбекистон Президенти давлат ташрифи билан Корея Республикасига жўнаб кетди

Президент Шавкат Мирзиёев Президент Мун Чжэ Иннинг таклифига биноан бугун давлат ташрифи билан Корея Республикасига жўнаб кетди, деб хабар бермоқда “Дунё” АА мухбири.

Давлатимиз раҳбари матбуот хизмати хабарига кўра, ташриф дастурига мувофиқ, Сеул шаҳрида олий даражада учрашув ва музокаралар ўтказиш, Жанубий Корея парламенти раҳбарияти ва етакчи компаниялари вакиллари билан учрашиш кўзда тутилган.

Кун тартибидан Ўзбекистон-Жанубий Корея алоҳида стратегик шериклик муносабатларини ва кўп қиррали ҳамкорлигини, энг аввало, "яшил" иқтисодиёт, инвестиция ва инновациялар, рақамли технологиялар, ижтимоий соҳа каби устувор йўналишларда янада кенгайтириш масалалари ўрин олган.

“Дунё” АА