Ўзбекистон ва Россия саноат кооперациясини чуқурлаштириш бўйича ишларни давом эттиришга тайёрлигини тасдиқлади
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Кеча Москва шаҳрида Ўзбекистон Бош вазирининг ўринбосари – инвестициялар ва ташқи савдо вазири Сардор Умурзоқов Россия саноат ва савдо вазири Денис Мантуров билан учрашди, деб хабар бермоқда «Дунё» АА мухбири.
Инвестициялар ва ташқи савдо вазиригининг маълум қилишича, музокаралар кун тартибига кенг кўламли саноат, инвестиция, савдо-иқтисодий масалалари киритилди. Томонлар турли даражадаги икки томонлама муносабатларнинг фаоллигини, шунингдек, қўшма лойиҳа ва ташаббусларни амалга оширишда эришилган ютуқларни қайд этдилар. Хусусан, Тошкент шаҳрида ўтказилган «Иннопром» кўргазмаси якунида умумий қиймати 3,2 миллиард доллардан ортиқ инвестиция лойиҳаларини ҳаётга татбиқ этиш юзасидан битимлар ва савдо шартномалари имзоланганлиги алоҳида таъкидланди.
Ўзбекистон ва Россия ҳукуматлари раҳбарлари даражасидаги қўшма комиссиясининг бўлиб ўтган йиғилиши юқори баҳоланди. Эришилган келишувлар ва имзоланган идоралараро ҳужжатлар икки мамлакат ўртасидаги кўп қиррали иқтисодий шерикликнинг ривожланишига кучли туртки бериши таъкидланди.
Россияга кутилаётган олий даражадаги ташрифнинг иқтисодий кун тартибини тайёрлаш билан боғлиқ масалалар муҳокама қилинди. Шу нуқтаи назардан, томонлар инвестиция битимлари ва савдо шартномаларига эришиш учун тегишли вазирлик ва идораларнинг саноат кооперациясининг янги лойиҳаларини ишлаб чиқиш бўйича ҳамкорликдаги ишларини жадаллаштиришга келишиб олдилар. Шунингдек, томонлар Ўзбекистон Инвестициялар ва ташқи савдо вазирлиги ҳамда Россия Саноат ва савдо вазирлиги ўртасида ташкил этилган Лойиҳа офиси фаолиятига алоҳида эътибор қаратадилар. Офис томонидан ҳозирги кунда фармацевтика, ишлов бериш, машинасозлик, металлургия ва кимё саноатида йирик лойиҳалар устида иш олиб борилмоқда.
Ўзаро савдони ривожлантириш бўйича амалий чора-тадбирлар муҳокама қилинди. Бу борада томонлар Ўзбекистонда техник тартибга солиш ва стандартлаштириш тизимини такомиллаштиришга алоҳида эътибор қаратдилар. Ушбу соҳада ҳамкорлик қилиш учун россиялик экспертларни жалб этиш истиқболлари кўриб чиқилди.
Музокаралар якунида ўзаро келишувларни амалга ошириш ва қўшма лойиҳа ва ташаббусларни илгари суриш бўйича навбатдаги тадбирлар белгиланди.
«Дунё» АА
