Ўзбекистон ва Туркманистон ташқи ишлар вазирлари Ашхободда бўлиб ўтган учрашувда икки ва кўп томонлама тузилмалар доирасидаги ҳамкорликни кенгайтириш масалаларини муҳокама қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон ташқи ишлар вазири Абдулазиз Комилов Ашхободга амалий ташрифи доирасида бугун Туркманистон Вазирлар Маҳкамаси раиси ўринбосари, ташқи ишлар вазири Рашид Мередов билан учрашди, деб хабар бермоқда «Дунё» АА мухбири.
Ташқи ишлар вазирлиги маълум қилишича, музокаралар чоғида ташқи сиёсий идоралар раҳбарлари сиёсий, савдо-иқтисодий, транспорт-коммуникация, сув хўжалиги, маданий-гуманитар ва бошқа соҳалардаги Ўзбекистон – Туркманистон муносабатларининг бугунги ҳолати ва ривожланиш истиқболларини муҳокама қилди.
Халқаро ва минтақавий ташкилотлар доирасидаги ҳамкорлик масалалари ҳам кўриб чиқилди.
Марказий Осиёдаги ҳозирги вазият, минтақавий ҳамкорликни янада ривожлантириш бўйича биргаликда амалга оширилаётган чора-тадбирлар, ўзаро боғлиқликни янги – минтақалараро босқичга олиб чиқиш учун шаклланаётган имкониятларга алоҳида эътибор қаратилди.
Вазир Туркманистон томонини жорий йил Тошкент шаҳрида ўтказиладиган «Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар» мавзусида юқори даражадаги халқаро конференцияга таклиф қилди.
Тадбир якунида Ўзбекистон Республикаси Ташқи ишлар вазирлиги ва Туркманистон Ташқи ишлар вазирлиги ўртасида 2021-2022-йилларга мўлжалланган Ҳамкорлик дастури имзоланди.
Ўзбекистон ташқи ишлар вазирини 17 февраль куни Туркманистон Президенти Гурбангули Бердимухамедов қабул қилди.
Ўзбекистон ташқи ишлар вазири 16-18 февраль кунлари Тожикистон, Туркманистон ва Қозоғистонда амалий ташриф билан бўлади. Ташриф давомида минтақавий ҳамкорликнинг бугунги ҳолати ва ривожланиш истиқболлари, шунингдек, Марказий Осиёнинг глобал иқтисодий жараёнлар ва транспорт йўлакларига интеграцияси масалалари муҳокама қилиниши кўзда тутилган.
«Дунё» АА
