Ўзбекистоннинг МДҲ мамлакатларидаги дипломатик миссиялари раҳбарларининг фаолияти Сенат қўмитасида танқидий кўриб чиқилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Бугун Ўзбекистон Олий Мажлиси Сенати Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитасининг кенгайтирилган мажлисида Ўзбекистон Республикасининг МДҲ мамлакатларидаги дипломатик миссиялари раҳбарларининг ҳисоботлари эшитилди, деб хабар бермоқда «Дунё» АА мухбири.
Олий Мажлис Сенати Ахборот хизмати маълум қилишича, тадбир дипломатик миссиялар жойлашган мамлакатлар билан ўзаро ҳамкорлик бўйича «йўл хариталари»да белгиланган вазифаларнинг ўз вақтида ва сифатли бажарилиши устидан парламент назорати ўрнатиш орқали мазкур миссияларнинг ижро интизомини ошириш мақсадида ташкил этилди.
Мажлисда Сенат Раисининг биринчи ўринбосари Содиқ Сафоев, сенаторлар, вазирлик ва идоралар, давлат компаниялари раҳбарлари, маҳаллий ҳокимият органлари вакиллари ҳамда оммавий ахборот воситалари вакиллари иштирок этди.
Ўзбекистоннинг МДҲ мамлакатларидаги дипломатик миссиялари раҳбарлари хорижий мамлакатлар билан икки томонлама муносабатларни ривожлантириш бўйича «йўл хариталари»ни амалга ошириш юзасидан бажарилган ишлар, шу жумладан, экспортни кенгайтириш, инвестицияларни жалб қилиш ва республика ҳудудларига сайёҳлар оқимини кўпайтиришга қаратилган аниқ лойиҳаларни амалга оширишга доир ҳисоботларни тақдим этди.
Очиқ мазмунли муҳокама доирасида дипломатик миссияларнинг барча масалалари ва устувор вазифалари кўриб чиқилди. Уларнинг фаолиятига танқидий баҳо берилди, шунингдек, республиканинг иқтисодий манфаатларини хорижда тарғиб қилишдаги тизимли камчиликлар кўрсатиб ўтилди.
Мамлакат ҳудудларида баъзи инвестиция лойиҳаларини амалга ошириш муаммоларига эътибор қаратилади.
Ўзбекистоннинг қатор элчихоналарининг самарали фаолияти билан бирга дипломатик миссияларнинг айрим раҳбарлари фаолиятида жиддий камчиликлар ва амалий натижалар йўқлиги қайд этилди.
Дипломатик ваколатхоналар раҳбарларига тавсиялар берилди ва улар фаолиятининг самарадорлигини ошириш бўйича аниқ вазифалар қўйилди.
/«Дунё» АА/.
