Yangi ziyo maskani
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Qoraqalpog‘iston Respublikasi Xalq ta’limi vazirligi axborot-resurs markazi bolalar kutubxonasining yangi binosi foydalanishga topshirildi.
Shu munosabat bilan o‘tkazilgan tadbirda mamlakatimizda yosh avlodning zamonaviy bilimlarni puxta egallashi, yuksak salohiyatli insonlar bo‘lib voyaga yetishi, milliy qadriyatlarimizni qayta tiklash va yanada rivojlantirishda axborot-resurs markazlari muhim ahamiyat kasb etayotgani ta’kidlandi.
Prezidentimizning 2011-yil 23-fevraldagi “2011-2015-yillarda axborot-kommunikatsiya texnologiyalari negizida axborot-kutubxona va axborot-resurs xizmatlari ko‘rsatishni sifat jihatidan rivojlantirishni davom ettirish chora-tadbirlari to‘g‘risida”gi qarori ijrosi doirasida qad rostlagan ziyo maskani qurilishiga 4 milliard 125 million so‘mdan ziyod mablag‘ sarflandi.
Kutubxonada jajji kitobsevarlar uchun barcha qulaylik yaratilgan. 36 o‘rinli o‘quv zali, 24 o‘rinli komputer xonasi, 50 o‘rinli majlislar zali hamda maslahat xonasi zamonaviy tarzda jihozlangan.
– Bolalar kutubxonasi 6 ming kitob fondiga ega, – deydi axborot-resurs markazi rahbari Zulfiya Seytniyozova. – Bu yerda kutubxona xodimlari va kitobxonlar uchun barcha sharoit yaratilgan.
– Ushbu kutubxona mening sevimli maskanlarimdan biri, – deydi Nukus shahridagi 31-umumta’lim maktabi 9-sinf o‘quvchisi Go‘zal Ibrohimova. – Joriy yilda fan olimpiadasining Qoraqalpog‘iston Respublikasi bosqichida qoraqalpoq tili va adabiyotidan birinchi o‘rinni egalladim. Buning hammasi kitob bilan do‘st va sirdosh bo‘lganimdandir.
Tadbir doirasida yozuvchi va shoirlar bilan uchrashuv, “Yangi axborot texnologiyalari va internet sinf xizmati” mavzusida taqdimot va “Kitob – xazinalar kaliti” deb nomlangan ko‘rgazma tashkil etildi.
