Япония Ўзбекистоннинг Осака шаҳрида ўтказиладиган “Экспо-2025” Жаҳон кўргазмасидаги иштирокини олқишламоқда
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Бош вазирининг ўринбосари – инвестициялар ва ташқи савдо вазири Сардор Умурзоқов кеча Япония ташқи ишлар вазирининг парламент ўринбосари Сатоши Наканишини қабул қилди, деб хабар қилмоқда “Дунё” АА мухбири.
Инвестициялар ва ташқи савдо вазирлиги (ИТСВ)нинг маълумотига кўра, музокаралар чоғида икки томонлама сиёсий ва дипломатик, савдо-иқтисодий, инвестициявий, маданий-гуманитар ҳамкорликнинг бугунги ҳолати ва истиқболлари муҳокама қилинди.
Томонлар халқаро ва минтақавий кун тартибидаги асосий масалалар, хусусан, Афғонистондаги жорий вазият юзасидан фикр алмашдилар. Япония томони минтақада хавфсизлик ва барқарор ривожланишни таъминлаш мақсадида манфаатдор тарафлар билан кўп томонлама ҳамкорликка тайёрлигини билдирди.
Шу нуқтаи назардан, муносабатларни ҳар томонлама ривожлантириш, минтақада барқарор иқтисодий ўсишни таъминлаш ҳамда Марказий Осиё давлатлари ва Япония ўртасидаги ҳамкорликни мустаҳкамлаш учун платформа – “Марказий Осиё + Япония” мулоқоти доирасида ҳамкорликни чуқурлаштириш истиқболлари кўриб чиқилди.
Олий ва юқори даражадаги ташрифлар якунларида эришилган келишувларни амалга ошириш доирасида қулга киритилган салмоқли натижалар қайд этилди. Ўзбекистонда инвестициявий ва ижтимоий лойиҳаларни ҳаётга татбиқ этиш учун жалб этилган Япон инвестицияларининг сезиларли ўсиши алоҳида таъкидланди. Хусусан, Тошкентда “Digital Knowledge” компанияси билан биргаликда электрон таълим хизматларини кўрсатишга ихтисослашган Рақамли университет ташкил этилди. Ҳозирги кунда япониялик ҳамкорлар билан биргаликда автомобилсозлик, кимё саноати ва меҳмонхона бизнеси соҳаларида қатор инвестицион лойиҳалар амалга оширилмоқда.
Томонлар икки мамлакат расмийларининг ўзаро ташрифларини ташкил этган ҳолда икки тарафлама Парламентлараро форумнинг 3-йиғилиши ҳамда Ўзбекистон-Япония ва Япония-Ўзбекистон иқтисодий ҳамкорлик қўмиталарининг 16-учрашувига тайёргарлик кўриш учун биргаликда иш бошлашга келишиб олди.
Япония томони Ўзбекистоннинг 2025 йилда Осака шаҳрида ўтказиладиган “Экспо-2025” Жаҳон кўргазмасида миллий павильон ташкил этиб, иштирок этиш бўйича режаларини олқишлади ва ташкилий масалаларни ҳал этишда ҳар томонлама амалий ёрдам кўрсатишга тайёрлигини билдирди.
2022 йилда давлатлар ўртасида дипломатик муносабатлар ўрнатилганининг 30 йиллиги нишонланиши доирасида “Японияда Ўзбекистон йили” ва “Ўзбекистонда Япония йили”га биргаликда тайёргарлик кўриш тўғрисида келишувга эришилди.
Музокаралар якунида турли даражадаги яқин алоқаларни сақлаш орқали муносабатларнинг барча соҳаларида фаол ҳамкорликни давом эттириш бўйича келишувга эришилди.
“Дунё” АА
