Birinchi slide Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

YOSHLAR EZGU G‘OYALAR TARG‘IBОTIDA FAOL QATNASHMOQDA

2017 - Xalq bilan muloqot va inson manfaatlari yili 2017 - Xalq bilan muloqot va inson manfaatlari yili O'zbekiston Respublikasi Prezidenti saylovi - 2016 O’zbekiston Respublikasi Prezidenti saylovi - 2016 O'zbekiston Respublikasi Mustaqilligining 26 yilligi O’zbekiston Respublikasi Mustaqilligining 26 yilligi Boshqa yangiliklar va voqealar Boshqa yangiliklar va voqealar Press-relizlar Press-relizlar O`zbеkistоning IHT TIVKga raisligi O`zbеkistоning IHT TIVKga raisligi BMT Mingyillik rivojlanish maqsadlari BMT Mingyillik rivojlanish maqsadlari XMT doirasidagi xamkorlik XMT doirasidagi xamkorlik "Sharq taronalari" xalqaro festivali "Sharq taronalari" xalqaro festivali Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O‘zbekiston Xalqaro Paxta Yarmarkasi O‘zbekiston Xalqaro Paxta Yarmarkasi Sayyohlik Sayyohlik Xalqaro sanoat yarmarkasi va Kooperatsiya birjasi Xalqaro sanoat yarmarkasi va Kooperatsiya birjasi 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni
hamma resurslarni ko'rsatish
YOSHLAR EZGU G‘OYALAR TARG‘IBОTIDA FAOL QATNASHMOQDA

Navoiyda Vatanimiz mustaqilligining 26-yilligi munosabati bilan “Fidoying bo‘lgaymiz seni, O‘zbekiston!” shiori ostida yoshlar haftaligi o‘tkazilmoqda.

O‘zbekiston yoshlar ittifoqi viloyat kengashi, viloyat hokimligi, viloyat madaniyat boshqarmasi, “Mahalla” xayriya jamoat fondi viloyat bo‘limi va boshqa tashkilotlar hamkorligida tashkil etilayotgan targ‘ibоt tadbirlarida mustaqillikning mazmun-mohiyati va ahamiyati, yurtimizda hukm surayotgan tinchlik-osoyishtalik, istiqlol yillarida xalqimiz erishayotgan ulkan yutuq va marralar haqida so‘z yuritilmoqda.

Haftalik doirasida shoir-yozuvchilar, adabiyotshunos olimlar, san’atkorlar, jurnalistlar, ma’naviyat targ‘ibоtchilari bilan birga, yosh ijodkorlar va mahallalardagi uyushmagan yoshlar bilan davra suhbatlari tashkil etilayotir. Xususan, viloyatning Yoshlar markazida “O‘tkan kunlar”, “Yulduzli tunlar” asarlari bo‘yicha bahs-munozaraga boy badiiy kecha o‘tkazildi. “Kitobxonlikka yangicha qadam” mavzusida viktorinalar uyushtirildi.

“Adabiyotga e’tibor – ma’naviyatga, kelajakka e’tibor” shiori ostida Navoiy shahridagi “Yangi hayot” savdo majmuasida “Biz Vatanga tayanchmiz” mavzusida kitob aksiyasi tashkil etildi. Tadbirda faol qatnashgan kitobxonlar badiiy adabiyotlar bilan taqdirlandi.

– Yaqinda oilamiz bilan viloyat miqyosida o‘tkazilgan “Kitobxon oila” ko‘rik-tanlovida g‘olib bo‘ldik, – deydi Navoiy shahridan Ma’mura Yo‘ldosheva. – Bugun “Biz Vatanga tayanchmiz” aksiyasida faol ishtirokimiz uchun badiiy asarlar sovg‘a qilindi. O‘zim o‘qituvchi bo‘lganim bois oilada ham farzandlarimni kitobxonlikka o‘rgatganman.

Haftalik doirasida “Yoshlar” sport majmuasida futbol bo‘yicha karmanalik yoshlar jamoasi va “Qizilqum” professional futbol klubi o‘rtasida “Futbol shou” o‘rtoqlik uchrashuvi o‘tkazildi. Taniqli san’atkorlar ishtirokidagi bayram konserti barchada katta taassurot qoldirdi.

Karmana tumanidagi “Oftobjon” oromgohida tarbiyalanayotgan ichki ishlar idoralarida profilaktik hisobda turuvchi voyaga yetmaganlar o‘rtasida salbiy illatlarni bartaraf etishga qaratilgan psixologik ta’sir choralari ko‘rish va tushuntirish ishlari olib borish maqsadida “Sog‘lom ruhiyat kuni” tashkil etildi. 100 nafar profilaktik hisobda turuvchi voyaga yetmaganlarning 30 nafari hisobdan chiqarildi.

Viloyat davlat soliq boshqarmasi tomonidan O‘zbekiston yoshlar ittifoqini moddiy qo‘llab-quvvatlashda faollik ko‘rsatayotgan yosh tadbirkorlar ishtirokida seminar o‘tkazildi. Unda “Eng yaxshi hamkor korxona”, “Eng yosh soliq to‘lovchi”, “Eng namunali soliq to‘lovchi” singari nominatsiyalar bo‘yicha g‘oliblar aniqlandi.

– “Eng yaxshi tadbirkor” nominatsiyasi bo‘yicha faxriy yorliq olganim menga munosib rag‘bat bo‘ldi, – deydi yosh tadbirkor Sherali Ro‘ziyev. – Ayni paytda yo‘l qurilishida ishlatiladigan mahsulotlarimizga talab yuqori bo‘lmoqda. Soliq va boshqa mutasaddi tashkilotlar xodimlari hamda yosh tadbirkorlar ishitirokidagi ochiq muloqotda faoliyatimizda uchrayotgan muammo va ularning yechimi haqida fikrlashdik, kelgusi rejalarni muhokama qildik.

Yoshlar turizmini rivojlantirish klubi a’zolari hamda uyushmagan yoshlar ishtirokida Karmana tumanidagi tarixiy qadamjolarga sayohat tashkil etilib, “Dunyo bo‘ylab sayohat” mavzusida intellektual o‘yin o‘tkazildi.

O’zA