ЮНИCЕФнинг Ўзбекистондаги ваколатхонасига янги раҳбар тайинланди
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Мунир Мамедзаде ЮНИCЕФнинг Ўзбекистондаги ваколатхонаси раҳбари сифатида иш бошлади, деб хабар бермоқда “Дунё” АА мухбири.
Мунир Мамедзаде сўнгги уч йилда ЮНИCЕФнинг Қирғизистондаги вакили ўринбосари сифатида ишлаган. У фаолияти давомида ЮНИCЕФ дастурларини бошқариш, мазкур ташкилотда ҳамда БМТ тизимидаги тармоқлараро ҳамкорликни мувофиқлаштириш бўйича масъул, дастурларни бошқариш гуруҳининг раиси вазифасини бажарган. У ЮНИCЕФнинг Озарбайжон, Молдова, Непалдаги ваколатхоналарида, шунингдек, Европа ва Марказий Осиё мамлакатлари бўйича минтақавий ваколатхонасида ҳам ишлаган.
ЮНИCЕФдаги меҳнат фаолиятидан аввал Мунир Мамедзаде ёшлар масалалари бўйича йирик нодавлат ташкилот ижрочи директори, Озарбайжонда Инсон ҳуқуқлари бўйича Омбудсман идорасининг Халқаро бўлими бошлиғи лавозимларида ишлаган. У инсон ҳуқуқлари, хусусан, болалар ҳуқуқлари, ёшлар ва ривожланиш соҳаларида 20 йиллик тажрибага эга.
У Москвада иқтисодиёт мутахассислиги бўйича таҳсил олган. У Швейцариянинг Фрибург университетининг болалар ҳуқуқлари соҳасида илғор дастур бўйича магистр даражасига эга.
Мунир Мамедзаде Озарбайжон фуқароси, инглиз, рус ва турк тилларини билади.
У 2016 йилнинг октябрь ойида ЮНИСЕФнинг Тошкентдаги ваколатхонаси раҳбари этиб тайинланган Саша Грауманн ўрнини эгаллади.
“Дунё” АА