Жанубий Корея билан билан ҳамкорликда Ўзбекистон Cмарт фармсаноат технологиялар платформаси яратилмоқда
















Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28

Ўзбекистон Cмарт фармсаноат технологиялар платформаси яратилади, деб хабар бермоқда «Дунё» АА мухбири.
Ҳозирда замонавий қишлоқ хўжалигини илм-фан, инновация ва таълимсиз тасаввур этиб бўлмайди. Бугунги кунда мамлакатимизда аграр соҳани ривожлантиришга қаратилган ислоҳотлар айнан мана шу ғояга таянмоқда ва бу йўналишда кўплаб ишлар амалга оширилмоқда.
Ўзбекистон ва Жанубий Корея ҳамкорлигида йўлга қўйилаётган қишлоқ хўжалиги соҳаси самарадорлигини ошириш орқали иқтисодий ўсишнинг ҳаракатлантирувчи кучи бўлишни кўзлаган Смарт фармсаноат технологиялар платформаси ҳам айнан ушбу мақсадларга хизмат қилади.
Ушбу лойиҳа қишлоқ хўжалигида билим ва инновациялар тизими – агро хизматлар кўрсатувчи AKIS маркази, Жанубий Кореянинг «KIAT», «KOMI», «KITECH», «CAMTIC» ва «Agro Solution Koreya» ташкилотлари ҳамкорлигида йўлга қўйилмоқда.
Янги инновацион ечимларнинг татбиқ этилиши соҳадаги илғор янгиликлар, махсус таълим имкониятлари, шунингдек, давлатнинг мақсадга йўналтирилган сиёсати ва қишлоқ хўжалиги маҳсулотларини етиштириш учун қулай иқлим шароитини яратиш фермерларга камроқ харажат ва меҳнат орқали кўпроқ ҳосил олиш имконини беради.
Қишлоқ хўжалиги йўналишида илм-фан, таълим, амалиётнинг уйғунлашуви эса соҳа ривожини янги босқичга олиб чиқиши, шубҳасиз, дейилади Қишлоқ хўжалиги вазирлиги маълумотида.
«Дунё» АА