ЖЕНЕВАДА БРИФИНГ: ЎЗБЕКИСТОН ИНСОН ҲУҚУҚЛАРИ УМУМЖАҲОН ДЕКЛАРАЦИЯСИГА СОДИҚ
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Женевада БМТ Инсон ҳуқуқлари бўйича кенгашининг 37-сессияси доирасида “Инсон ҳуқуқлари умумжаҳон декларациясининг 70 йиллиги доирасида Марказий Осиё мамлакатларида инсон ҳуқуқларининг ривожланиши” мавзуига бағишланган брифинг бўлиб ўтди.
Ушбу тадбир Женевадаги БМТ бўлинмаси ҳузуридаги Ўзбекистон Республикасининг доимий ваколахонаси ҳамда Туркманистон ва Тожикистон дипломатия миссиялари билан ўзаро ҳамкорликда ташкил этилди.
Брифингда Ўзбекистон адлия вазири Р.Давлетов, Инсон ҳуқуқлари бўйича Ўзбекистон Республикаси Миллий маркази директори А.Саидов, Туркманистон Омбудсмени Я.Гурбанназаров, Тожикистоннинг Женевадаги доимий вакили Д.Ҳамидов ҳамда БМТ
Ўзбекистон томонининг маърузачилари мамлакатимизда сиёсий, суд-ҳуқуқ ва ижтимоий-иқтисодий соҳаларда олиб борилаётган тизимли ва босқичма-босқич ислоҳотлар ҳақидаги батафсил маълумотларни тақдим этдилар.
Ўзбекистоннинг Виртуал ва халқ қабулхоналари воситасида аҳоли билан тўғридан-тўғри мулоқотни йўлга қўйиш бўйича янги концепцияси ва тажрибаси тадбир иштирокчиларида катта қизиқиш уйғотди. Таъкидланганидек, қабулхоналарга турли масалалар билан 1,6 миллион киши мурожаат этди, энг аввало қишлоқ жойларда фуқароларнинг турмуш шароитларини яхшилаш бўйича амалий ишлар олиб борилмоқда.
Шунингдек, тадбир қатнашчилари 2017 йилда Ўзбекистон Республикасини ривожлантиришнинг Ҳаракатлар стратегиясини амалга ошириш якунлари ҳамда унинг мамлакатимиздаги ижтимоий-иқтисодий жараёнларга таъсири билан ҳам танишдилар. Алоҳида қайд этилганидек, бундай барча ўзгаришларнинг замирида, биринчи навбатда, инсон ва унинг манфаатлари ётади.
Юқоридагилар билан бирга, брифинг иштирокчилари Инсон ҳуқуқлари умумжаҳон декларациясининг 70 йиллигини нишонлаш бўйича ишлаб чиқилаётган давлат дастури, шунингдек, 2018 йил ноябрь ойида Самарқандда бўлиб ўтадиган Инсон ҳуқуқлари бўйича Осиё форуми ҳақидаги маълумотлар билан ҳам танишдилар.
Мазкур брифинг Инсон ҳуқуқлари бўйича кенгашга аъзо давлатлар ҳамда дунёнинг бошқа турли минтақалари мамлакатларининг эътиборини ўзига жалб этди. Учрашув қатнашчилари жамият ҳамда давлатнинг демократик тамойиллари ва ҳуқуқий асосларини мустаҳкамлаш, инсоннинг шахсий, сиёсий, иқтисодий, ижтимоий ва маданий ҳуқуқларини рўёбга чиқариш Марказий Осиё минтақаси давлат сиёсатининг энг муҳим устуворликларидан бири ҳисобланишини қайд этдилар.
“Жаҳон” АА, Женева
