Ҳиндистонда Ўзбекистоннинг инвестициявий ва савдо-иқтисодий салоҳияти тақдим этилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ҳиндистон пойтахтида бўлиб ўтган халқаро бизнес-конференцияда Ўзбекистон элчихонаси томонидан мамлакатимиз инвестициявий ва савдо-иқтисодий салоҳияти тақдим этилди, деб хабар қилмоқда "Дунё" АА мухбири.
Ҳиндистон Глобал савдо ва технология кенгаши билан ҳамкорликда ташкил этилган тадбирда мамлакатнинг етакчи кичик ва ўрта бизнес компаниялари раҳбарлари ва вакиллари иштирок этди.
Элчи Сардор Рустамбоев Ўзбекистонда сўнгги йилларда ҳаётга татбиқ этилаётган кенг кўламли ислоҳотлар натижалари, иқтисодиётнинг турли йўналишларида хорижий давлатлар ишбилармон доиралари вакиллари билан амалга оширилаётган қўшма лойиҳалар, уларнинг инвестициявий фаолияти учун яратилган жозибадор муҳит, Ҳиндистон компанияларининг мамлакатимиздаги муваффақиятли тажрибаси ҳақида сўзлаб берди.
Фармацевтика, тўқимачилик, ипак, чарм саноати, ахборот технологиялари, соғлиқни сақлаш, қурилиш материаллари ишлаб чиқариш, таълим, туризм ва бошқа соҳаларда ўзаро манфаатли ҳамкорлик учун мавжуд бўлган салмоқли салоҳиятга алоҳида эътибор қаратилди.
Савдо-иқтисодий шерикликнинг ҳали тўлиқ фойдаланилмаётган имкониятлари, хусусан, Ўзбекистонда етиштириладиган экологик тоза ва ширин мева-сабзавотлар ва қуруқ меваларнинг Ҳиндистон бозорига экспорти ҳажмини ошириш имкониятлари урғуланди.
Глобал савдо ва технология кенгаши раиси Рашми Салужа Ўзбекистон-Ҳиндистон савдо-иқтисодий муносабатларининг истиқболларига тўхталиб, ҳиндистонлик тадбиркорларни мамлакатимиз билан фаол ҳамкорликка чақирди. У, шунингдек, Ўзбекистон ҳаётининг барча жабҳаларида амалга оширилаётган янгиланиш жараёнининг юқори аҳамиятини қайд этиб, халқаро майдонда Янги Ўзбекистон деган тушунча шакллангани, республика мутлақо янгича қиёфа касб этаётгани, бу ўзгаришлар йирик шаҳарлардан тортиб ҳудудлардаги кичик-кичик аҳоли пунктларида ҳам ўз ифодасини топаётганини эътироф этди.
Ҳиндистон делегациясининг IV Тошкент халқаро инвестиция форумидаги фаол иштироки ва эришилган икки томонлама келишувлар мазмун-моҳияти ҳақида фикр юритилди.
Бизнес-конференция доирасида Ҳиндистон компаниялари вакиллари билан Ўзбекистонда янги лойиҳаларни амалга ошириш, инвестициялар жалб қилиш ва мамлакатимизда тайёрланаётган маҳсулотларининг экспорт ҳажмини кўпайтириш юзасидан музокаралар ўтказилди.
