10 сентябрь куни Ўзбекистонда "Декларациялар мулоқоти" халқаро форуми ўз ишини бошлайди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
2025 йил 10-13 сентябрь кунлари Тошкент ва Самарқанд шаҳарларида "Декларациялар мулоқоти" II халқаро форуми бўлиб ўтади, деб хабар қилмоқда "Дунё" АА мухбири.
Тадбир Ўзбекистон Президенти ҳузуридаги Стратегик ва минтақалараро тадқиқотлар институти (СМТИ) томонидан Америка Қўшма Штатларининг "Love Your Neighbor Community" (LYNC) нодавлат ташкилоти билан ҳамкорликда, Дин ишлари бўйича қўмита, Ислом цивилизацияси маркази, Ташқи ишлар вазирлиги ҳамда Самарқанд вилояти ҳокимлиги кўмагида ўтказилмоқда.
Мазкур тадбир 2022 йилда Тошкент, Самарқанд ва Бухоро шаҳарларида ўтказилган, кейинчалик БМТ Бош Ассамблеяси 76-сессиясининг расмий ҳужжати сифатида эътироф этилган Бухоро декларациясининг қабул қилиниши билан якунланган форумнинг мантиқий давоми бўлади.
"Декларациялар мулоқоти" 2016 йилдан бери Марокаш, Макка, Жакарта, Потомак ва Пунта дел Эсте каби шаҳарларда ўтказилиб келинмоқда. Бу анжуман маърифат, диний эркинлик ва бағрикенглик маданияти ғояларини тарғиб қилиш учун нуфузли халқаро майдон сифатида ўзини кўрсатди. Ҳар бир форум якунида концептуал ҳужжатлар – шу номдаги декларациялар қабул қилинади.
Ўзбекистонда форум илк бор 2019 йилда Тошкентда ўтказилди ва ўшандан буён дунё ҳамжамиятига ўзбек халқининг бой маданий-тарихий ҳамда диний-фалсафий меросини, шунингдек, мамлакатнинг жамиятда конфессиялараро тотувлик, диний бағрикенглик, дўстлик ва ўзаро англашув муҳитини таъминлаш борасидаги тажрибасини намойиш этиш имконини берувчи нуфузли халқаро тадбир мақомини олди.
Бўлажак форумда 15 та мамлакатдан, жумладан АҚШ, Буюк Британия, Хитой, Саудия Арабистони, Бирлашган Араб Амирликлари, Индонезия ва Марказий Осиё давлатларидан 50 га яқин етакчи диншунос, илоҳиётчи олим, эксперт ва юқори мартабали шахслар иштирок этиши кутилмоқда.
Форум якунида жаҳон ҳамжамиятига қарата якуний Мурожаатнома қабул қилинади. Унда диний озчиликлар ҳуқуқларини ҳимоя қилиш, диний эътиқод асосида камситишга йўл қўймаслик, зўравон экстремизмга қарши курашиш воситаси сифатида диний маърифатни ривожлантириш, эътиқод эркинлигини инсоннинг умумбашарий ҳуқуқи сифатида тасдиқлаш ҳамда диний ва маданий қарашларидан қатъий назар, барча инсонларнинг тенг ҳуқуқлилигини рағбатлантиришга чақирилади.
Умуман олганда, "Декларациялар мулоқоти" II халқаро форуми натижалари глобал хилма-хиллик шароитида диний бағрикенгликни, ўзаро ҳурматни, саховатни ва халқларнинг тинч-тотув яшашини мустаҳкамлашга муҳим ҳисса қўшади.
