АҚШ оммавий ахборот воситалари Президент Дональд Трампнинг Ўзбекистонга эҳтимолий ташрифи ҳақида ёзмоқда
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
АҚШнинг "Eurasianet" электрон нашрида "Дональд Трамп Марказий Осиёга ташриф буюрган биринчи АҚШ Президенти бўла оладими?" сарлавҳали мақола эълон қилинди, деб хабар қилмоқда "Дунё" АА мухбири.
Мақолада Ўзбекистон Президентининг АҚШ етакчиси билан жорий йил 5 сентябрда ўтказган телефон орқали мулоқоти ва Президент Дональд Трампнинг Марказий Осиё мамлакатларига ташриф буюриш режалари ҳақида сўз борада. "Телефон орқали мулоқот чоғида Ўзбекистон Президенти Шавкат Мирзиёев бу ғояни илгари сурди", – дейилган материалда.
Муаллифга кўра, Президент Дональд Трамп Марказий Осиёга ташриф буюрадими ёки йўқ, ҳозирча номаълум. Ўзбекистон томони тарқатган расмий баёнотга кўра, 5 сентябрь куни бўлиб ўтган телефон орқали мулоқот чоғида Президент Шавкат Мирзиёев АҚШ етакчиси Дональд Трампни "қулай вақтда" Ўзбекистонга ташриф буюришни таклиф қилди. АҚШнинг Ўзбекистондаги элчиси Жонатан Хеник ўзбек журналистларига таклиф "ижобий қабул қилинганини" айтди.
"Вашингтондаги манбаларнинг "Eurasianet" маълум қилишича, 9 сентябрь ҳолатига кўра, Марказий Осиёга ташриф бўйича ҳеч қандай қарор қабул қилинмаган. Ўзбекистон Дональд Трампнинг иккинчи Президентлик муддатида Оқ уй билан мулоқот қилишда энг фаол Марказий Осиё давлати бўлмоқда ", – дейилади материалда.
Нашрда маълум қилинганидек, шу йил апрель ойида Ўзбекистон ташқи ишлар вазири бошчилигидаги делегация Оқ уйда бўлди. Ўзбекистон, шунингдек, АҚШдан муҳожирларни депортация қилиш учун бир неча чартер рейсларини ташкил қилди.
"Мамлакат Дональд Трампнинг устувор йўналишларидан бири бўлган муҳим фойдали қазилмаларнинг муҳим захираларини фаол равишда тарғиб қилмоқда. Апрель ойида Ўзбекистон делегацияси Америка компаниялари билан кончилик бўйича бир қанча шартномалар имзолади. Икки мамлакат етакчилари ўртасида кечган телефон мулоқотида ҳам муҳим фойдали қазилмалар ва иқтисодий ҳамкорликнинг бошқа соҳалари муҳокама қилинди", – дея урғуланган манбада.
Муаллиф, шунингдек, Ўзбекистон етакчиси Шавкат Мирзиёев 2018 йилда Дональд Трампнинг биринчи президентлик даврида Оқ уйга расмий ташриф билан келганини ва Ўзбекистон раҳбари муносиб кутиб олингани ҳақида ёзган.
