Birga kulishaylik
















Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28

O‘zbekiston Badiiy akademiyasi Toshkent Fotosuratlar uyida “Birga kulishaylik” deb nomlangan ko‘rgazma tashkil etildi.
Tasviriy san’atda karikatura, hazil suratlar, yumoristik mazmundagi plakatlar o‘ziga xos o‘rin tutadi. San’atning bu turi inson kayfiyati, ruhiyatidagi holatlarni aks ettirishi, serzavqligi, tomoshabinga tez ta’sir o‘tkazishi, quvnoq kayfiyat ulashishi bilan alohida ahamiyat kasb etadi.
Mazkur ko‘rgazmadan ko‘zlangan maqsad inson kamolotiga g‘ov bo‘layotgan ayrim illatlarni hajv yordamida san’at ixlosmandlariga namoyish etishdan iborat.
Ko‘rgazmada M.Eshonqulov, R.Azizov, N.Sviridenko, J.Mirzo, F.Teshayev kabi karikaturachi rassomlarning ijod namunalari tomoshabinlar e’tiboriga havola etilgan. Ushbu asarlar kundalik hayotda uchraydigan kamchiliklar, inson fe’l-atvoridagi kulgi va hazilga moyil jihatlarni ta’sirchan va yorqin tarzda aks ettirgani bilan ahamiyatlidir.