BIZ HECH KIMDAN KAM EMASMIZ

Temuriylar tarixi davlat muzeyida O‘zbekiston «Milliy tiklanish» demokratik partiyasi Toshkent shahar kengashi tomonidan “Istiqlolning yangi avlodi: Biz hech kimdan kam emasmiz va kam bo‘lmaymiz!” mavzuida davra suhbati o‘tkazildi.

Prezidentimizning shu yil 2-iyundagi “O‘zbekiston Respublikasi davlat mustaqilligining yigirma besh yillik bayramiga tayyorgarlik ko‘rish va uni o‘tkazish to‘g‘risida”gi qarori ijrosi doirasida o‘tkazilgan tadbirda co‘zga chiqqanlar Prezidentimiz rahnamoligida inson manfaatlarini ko‘zlab amalga oshirilayotgan keng ko‘lamli islohotlar yuksak samaralar berayotganini ta’kidladi.

Mustaqillikning o‘tgan 25-yili xalqimiz tanlagan taraqqiyot yo‘li naqadar to‘g‘ri va hayotiy ekanini ko‘rsatdi. O‘z vaqtida uzoqni ko‘zlab ishlab chiqilgan umummilliy dasturlarimiz tufayli ta’lim-tarbiya, sog‘liqni saqlash, onalik va bolalikni himoya qilish, bolalar sportini rivojlantirish, yosh iste’dod egalarini qo‘llab-quvvatlash, milliy qadriyatlarimiz bardavomligini saqlash bo‘yicha samarali tizim, ta’bir joiz bo‘lsa, o‘ziga xos model shakllandi. Eng muhimi, ularning har biri mamlakatimizda yangi demokratik jamiyat qurish konsepsiyasining uzviy tarkibiy qismi sifatida buyuk kelajagimizni barpo etishda muhim ahamiyat kasb etmoqda.

Barcha hududlarda bo‘lgani kabi poytaxtimizda ham “Go‘zal va betakrorimsan, muqaddas Vatanim, jonim senga fido, O‘zbekistonim!” g‘oyasining mohiyatini to‘liq ochib beruvchi ta’sirchan usul va vositalardan keng foydalanish, joylarda o‘tkazilayotgan ochiq muloqotlar va uchrashuvlar, davra suhbatlari, madaniy-ma’rifiy tadbirlar salmog‘ini yanada oshirish yuzasidan fikr almashildi.

Tadbir ishtirokchilari Temuriylar tarixi davlat muzeyi eksponatlari bilan tanishdi.

O’zA