"Daily News Hungary": Сўнгги йилларда Ўзбекистон Бирлашган Миллатлар Ташкилоти ва унинг ихтисослашган муассасаларидаги фаол иштирокини кучайтирди
















Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28

Венгриянинг "Daily News Hungary" онлайн нашрида "БМТга аъзо давлатларнинг Ўзбекистон ташаббусларини қўллаб-қувватлаётгани мамлакатимизда амалга оширилаётган тизимли ислоҳотлар самарасидир" сарлавҳали мақола эълон қилинди, деб хабар қилмоқда "Дунё" АА мухбири.
"Сўнгги йилларда Ўзбекистон халқаро майдонда сезиларли муваффақиятларни қўлга киритди. Бирлашган Миллатлар Ташкилоти (БМТ) ва унинг ихтисослашган муассасаларидаги фаол иштирокини кучайтирди. 2024 йилда мамлакат инсон ҳуқуқлари, ижтимоий-иқтисодий ривожланиш, меҳнат ва глобал ҳамкорлик соҳаларида умуминсоний тамойиллар ва стандартларга содиқлигини тасдиқловчи бир қатор муҳим марраларга эришди", деб ёзган муаллиф.
Қайд этилганидек, 2024 йилда Ўзбекистон БМТ Бош Ассамблеясининг бир қатор муҳим резолюцияларининг ташаббускорлиги ва қабул қилинишида муҳим роль ўйнади. Уларнинг ҳар бири нафақат мамлакат ташқи сиёсатининг стратегик йўналишини акс эттиради, балки минтақавий ва халқаро ҳамкорликка ҳам катта таъсир кўрсатади.
2024 йил 4 июнда қабул қилинган "Марказий Осиё давлатларининг гиёҳвандлик билан боғлиқ муаммоларни самарали ҳал этиш ва бартараф этишда ягона фронт бўлиб ҳамкорлик қилишга тайёрлиги тўғрисида"ги резолюция ана шундай ташаббуслардан бири бўлди. Ушбу ҳужжатда минтақа хавфсизлиги ва барқарор ривожланишини таъминлаш билан бевосита боғлиқ бўлган гиёҳванд моддалар тарқалишига қарши самарали курашиш бўйича Марказий Осиё давлатларининг саъй-ҳаракатларини мувофиқлаштириш зарурлиги таъкидланган. Резолюция Ўзбекистоннинг 2024-2028 йилларда гиёҳванд моддаларнинг ноқонуний айланиши ва суиистеъмолига қарши курашиш бўйича Миллий стратегиясининг концептуал қоидаларига асосланиб, ушбу муаммони ҳал этишда мамлакатимизнинг тизимли ва узоқ муддатли ёндашувига алоҳида эътибор қаратилган. Шу нуқтаи назардан, резолюцияда Барқарор ривожланиш мақсадларига эришиш йўлида биргаликдаги саъй-ҳаракатлар муҳимлиги ҳам таъкидлангани Ўзбекистоннинг глобал таҳдидларга қарши курашишнинг халқаро механизмларининг фаол иштирокчиси сифатидаги мавқеини мустаҳкамлайди.
"Яна бир муҳим ташаббус 2024 йил 13 августда ўрмонларни барқарор бошқаришга оид резолюциянинг қабул қилиниши бўлди. Резолюцияда деградацияга учраган ерларни кенг кўламли ободонлаштириш йўли билан тиклаш, яшил майдонларга эътибор қилишнинг узоқ муддатли стратегияларини ишлаб чиқиш ва экология соҳасида халқаро ҳамкорликни мустаҳкамлаш зарурлиги таъкидланган. Ҳужжат БМТга аъзо 102 та давлат томонидан қўллаб-қувватланган бўлиб, унда унинг глобал экологик муаммолар, жумладан, чўлланиш ва иқлим ўзгаришига қарши курашишдаги аҳамияти таъкидланган", – дейилган манбада.
Венгрия электрон нашри хабар қилганидек, БМТ Бош ассамблеяси 10 июнни Халқаро цивилизациялар ўртасидаги мулоқот куни деб эълон қилиш тўғрисида Хитой ва Ўзбекистон ишлаб чиққан резолюцияни маъқуллади. Ушбу ҳужжат турли маданият ва анъаналарга эга халқлар ўртасида глобал мулоқот ва ўзаро ҳамжиҳатликни рағбатлантиришда муҳим аҳамият касб этмоқда.
Мақола хулосасида "Ушбу тамойилларни мустаҳкамлаш муҳимлигини англаган ҳолда, Ўзбекистон давлатлар, минтақалар ва маданиятлар ўртасидаги конструктив мулоқот ва ҳамкорликни ривожлантиришга хизмат қилувчи ташаббусларни фаол қўллаб-қувватлайди. Ўзбекистон ташаббуси билан қабул қилинган резолюциялар энг долзарб глобал ва минтақавий муаммоларни ҳал этиш, барқарор ривожланиш, халқаро ҳамкорлик ва глобал хавфсизлик ғояларини илгари суришга қаратилган стратегик эътиборни акс эттиради", – дейилган.