EKOLOGIYA MUHOFAZASI: YANGI ISLOHOTLAR, SAMARALI LOYIHALAR AMALDA
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Xalqaro press-klub sessiyasida mamlakatimizda ekologiya va atrof-muhit muhofazasi borasida amalga oshirilayotgan islohotlar samaradorligi muhokama qilindi.
O‘zbekiston Respublikasi Ekologiya va atrof-muhitni muhofaza qilish davlat qo‘mitasi raisining birinchi o‘rinbosari O.Ahmadjonov, Oliy Majlis Qonunchilik palatasi deputati F.Quvvatov va boshqalar mamlakatimizda ekologik xavfsizlikni ta’minlash, atrof-muhitni muhofaza qilish, aholi turmush darajasi va sifatini oshirish uchun qulay sharoitlar yaratishga alohida e’tibor qaratilayotganini ta’kidladi.
Bu boradagi ishlar samaradorligida Prezidentimiz Shavkat Mirziyoyevning 2017-yil 21-apreldagi "Ekologiya va atrof-muhitni muhofaza qilish sohasida davlat boshqaruvi tizimini takomillashtirish to‘g‘risida"gi farmoni va "2017-2021-yillarda maishiy chiqindilar bilan bog‘liq ishlarni amalga oshirish tizimini tubdan takomillashtirish va rivojlantirish chora-tadbirlari to‘g‘risida"gi qarori muhim omil bo‘layotir. Mazkur huquqiy hujjatlarga muvofiq ekologik xavfsizlikni ta’minlash, atrof-muhitni muhofaza qilish bo‘yicha tashkiliy, ijtimoiy-iqtisodiy chora-tadbirlar ishlab chiqilgan va amalga oshirilmoqda.
Yurtimizda ekologiya va sanitariya muhitini yanada yaxshilash, aholi salomatligini mustahkamlash, shahar va qishloqlarimizning yanada obod bo‘lishi, ko‘rkam qiyofa kasb etishiga xizmat qiluvchi kompleks tadbirlar belgilangan. Ular tizimli tatbiq etilmoqda. Jumladan, “Toza hudud” davlat unitar korxonalari tashkil etildi. Bugun 1 ming 400 dan ziyod maxsus texnika, 4 ming 350 ga yaqin chiqindi to‘plash shoxobchasi, 5 ming 660 konteyner, 120 chiqindi poligoni mazkur korxonalar balansiga o‘tkazilgan. Tizimda 10 mingdan ortiq mutaxassis va ishchi atrof-muhit muhofazasi, hududlarimizni obodonlashtirishga xizmat qilmoqda.
Chiqindilarni to‘plash va olib chiqib ketish bo‘yicha ko‘rsatilayotgan xizmatlar uchun abonentlar bilan shartnomalar tuzish ishlari olis tumanlar va qishloqlarda izchil davom ettirilmoqda. To‘lovlarni qabul qilishning elektron hamda chiqindi tashish maxsus texnikalari harakatini masofadan kuzatish tizimlarini joriy etish tadbirlari amalga oshirilmoqda. Kelgusida jarayonga yangi texnikalar jalb qilinadi.
Mamlakatimizda zamonaviy texnologiyalar yordamida qattiq maishiy chiqindilarni yig‘ish, ularni qayta ishlash borasida ilg‘or tajriba ommalashmoqda. Bugun bu yo‘nalishda faoliyatini boshlagan tadbirkorlik sub’ektlari soni ortmoqda. Ular uchun barcha sharoitlar, huquqiy asoslar mavjud.
Afsuski, chiqindilarni qayta ishlashga taalluqli muammolar ham yo‘q emas. Qattiq maishiy chiqindilarni birlamchi saralashning aniq mexanizmi yaratilmagan. Ularni poligonlarda saqlash usuli saqlanib qolmoqda. Bu qattiq maishiy chiqindilar tarkibidagi ikkilamchi xomashyoning foydali komponentlari yo‘qolishiga sabab bo‘lmoqda. Qolaversa, aksariyat chiqindilar poligoni ekologik va sanitar talablarga javob bermaydi. Ular atmosfera, tuproq, yer osti va yer usti suvlarini ifloslantiruvchi, turli yuqumli kasalliklar manbaiga aylangan.
Ma’lumotlarga ko‘ra, O‘zbekistonda 140 chiqindi poligoni mavjud. Joriy yilda ularning sanitariya holatini yaxshilashga alohida e’tibor qaratilmoqda. Jumladan, poligonlar atrofini devor bilan o‘rash, maxsus texnika vositalari yo‘lini asfaltlash, kommunal xizmatlarni yo‘lga qo‘yish kabi ishlar amalga oshirilmoqda. Mutaxassislar fikricha, ayrim poligonlar nafaqat sanitariya talablariga javob bermaydi, balki, ular joylashgan hudud noto‘g‘ri tanlangan. Aslida, chiqindi poligonlari uchun joy tanlashda aholi punktlari masofasi, shamolning doimiy esish taqvimi, yer osti va yer usti suvlarining xaritasi hisobga olinishi lozim.
Tadbirda puxta o‘ylanmay tashkil qilingan 3 poligon faoliyati to‘xtatilgani, yana 10 poligonni yopish borasida ishlar olib borilayotgani ma’lum qilindi. O‘z navbatida, chiqindi poligonlarini tartibga keltirish uchun loyihalar ishlab chiqilgan. Hozirda ular asosida qurilish ishlari boshlangan.
Xalqaro press-klub sessiyasida sohaga doir qator masalalar yuzasidan ma’lumot berildi, istiqbolli rejalar haqida aytildi. Jurnalistlar savollariga javob qaytarildi.
