EKSPORT KO‘LAMI KENGAYMOQDA
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
“Navoiy” erkin industrial-iqtisodiy zonasida avtomobil sanoati va energetika sohasi uchun maxsus kabellar ishlab chiqarishga ixtisoslashgan “UzEraeSable” O‘zbekiston – Janubiy Koreya qo‘shma korxonasi faoliyati yildan-yilga kengaymoqda.
Prezidentimiz rahnamoligida ishlab chiqarishning yangi tarmoqlarini rivojlantirish, qulay ishbilarmonlik muhiti yaratish, tadbirkorlikni yanada qo‘llab-quvvatlashga alohida e’tibor qaratilmoqda. “Navoiy” erkin industrial-iqtisodiy zonasida ham mahalliy va xorijlik ishbilarmonlar uchun keng imkoniyatlar yaratilmoqda.
Davlatimiz rahbarining 2008-yil 2-dekabrdagi farmoniga asosan barpo etilgan 560 gektarlik mazkur iqtisodiy hududda qator qo‘shma korxonalar samarali faoliyat ko‘rsatmoqda. Xususan, raqamli televideniye signallarini qabul qilish uskunasi, ADSL modemlar, DSLAM qurilmalari ishlab chiqariladigan “TELECOM INNOVATIONS” O‘zbekiston – Xitoy – Singapur qo‘shma korxonasida raqamli signallarni qabul qilish qurilmasining yangi turi IPTV hamda modemlarning Home gateway seriyali yangi turlarini ishlab chiqarish yo‘lga qo‘yildi. “Polietilen quvurlar” sho‘ba korxonasi bugun ichki bozorga raqobatbardosh mahsulotlar yetkazib berishda yetakchilik qilmoqda. “O’zMinda” O‘zbekiston – Hindiston qo‘shma korxonasi “GM-Uzbekistan” zavodida ishlab chiqarilayotgan avtomobillar uchun 24 turdagi ehtiyot qismlar tayyorlamoqda. Yiliga 250 ming avtokomponent ishlab chiqarish quvvatiga ega korxonada istiqbolli loyihalar amalga oshirilayotgani muvaffaqiyatlar omili bo‘lmoqda.
“UzEraeCable” qo‘shma korxonasi mamlakatimizda ishlab chiqarilayotgan avtomobillar uchun 41 turdagi kabel va turli o‘lchamdagi xo‘jalik simlarini ishlab chiqarmoqda.
– Asosan “GM-Uzbekistan” va “SamAuto” korxonalari uchun mahsulot tayyorlab berayotgan bo‘lsak-da, yiliga 130 ming kilometr uzunlikda turli o‘lchamdagi kabel ishlab chiqarish quvvatiga ega korxonamiz mahsulotlari xorijda ham xaridorgir, – deydi korxona direktori Sherzod Umarov. – Joriy yilning o‘tgan davrida 103 ming dollarlik mahsulot eksport qilindi.
Korxonada 2012-yilda mahalliylashtirish dasturiga asosan “Chevrolet Sobalt” avtomobili uchun akkumulyator jguti ishlab chiqarish o‘zlashtirildi. Bugun “Ravon-Nexia” rusumidagi avtomobillarga mo‘ljallangan jgutlar ham tayyorlanmoqda.
O‘tgan yil oxirida korxonada yangi bo‘lim ish boshladi. Italiya texnologiyasi asosida jihozlangan mazkur bo‘limda mahalliylashtirish dasturiga asosan yiliga 100 tonnadan ortiq emallangan mis sim ishlab chiqarish yo‘lga qo‘yildi. 10 ga yaqin yosh mutaxassis mehnat qilayotgan sex mahsulotlaridan elektr dvigatellari va avtomobil generatorlari tayyorlashda foydalanilmoqda.
O’zA