“ELECTION TIMES”: «O’ZBEKISTONDA FUQAROLIK JAMIYATI BARCHA TIZIMLARINI RIVOJLANTIRISH UCHUN QULAY SHAROITLAR YARATILGAN»
















Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28

Pokistonda nashr etiladigan “Election Times” haftanomasining navbatdagi sonida Toshkentda bo’lib o’tgan “Mamlakatni demokratik yangilash va modernizatsiya qilishda fuqarolik jamiyati institutlarining roli va ahamiyatini kuchaytirish: O’zbekiston tajribasi va xorijiy amaliyot” mavzusidagi xalqaro davra suhbati tafsilotlariga bag’ishlangan maqola bosilib chiqdi.
Unda ma’lum qilinganidek, xalqaro forumning xorijlik ishtirokchilari O’zbekistonda fuqarolik jamiyati tuzilmasini tashkil etadigan fuqarolarning o’zini o’zi boshqarish organlari, siyosiy partiyalar, ijtimoiy harakatlar, kasaba uyushmalari, jamoat birlashmalari va fondlar, nodavlat notijorat tashkilotlari, mustaqil ommaviy axborot vositalari singari fuqarolik jamiyati institutlarini shakllantirish va rivojlantirish uchun tashkiliy-huquqiy va moddiy-texnik sharoitlar yaratilgan, degan yakdil fikrni bildirishdi.
Shu bilan birga, maqolada 2013-yildan buyon O’zbekiston Respublikasi Vazirlar Mahkamasi tomonidan nodavlat notijorat tashkilotlarining faol ishtirokida fuqarolik jamiyati institutlarini rivojlantirish bo’yicha qo’shma dastur va rejalar ishlab chiqilib, amaliyotga tadbiq etilayotganiga alohida e’tibor qaratilgan. “2013-yilda hamkorlikdagi tadbirlar doirasida nodavlat notijorat tashkilotlarining axborot-tashkiliy faoliyatini takomillashtirishga oid chora-tadbirlar bajarildi. 2014 yildagi tadbirlar ularning ijtimoiy, sotsial-iqtisodiy faolligini oshirishga yo’naltirildi. Joriy yilda O’zbekiston Respublikasi Vazirlar Mahkamasining kompleks rejasi davlat organlari va nodavlat notijorat tashkilotlari o’rtasidagi ijtimoiy sheriklikni mustahkamlashga qaratilgan”, deb yozadi “Election Times” haftanomasi.
Nashr alohida qayd etganidek, nodavlat notijorat tashkilotlarining yetakchilari va faollari doimiy ravishda faoliyat ko’satadigan 40 dan ziyod respublika idoralararo komissiyalari va ishchi guruhlarining a’zolari hisoblanadi.
Maqola intihosida esa Toshkentda bo’lib o’tgan mazkur xalqaro davra suhbatida “uchinchi sektor”ni yanada rivojlantirish bo’yicha taklif va tavsiyalar ishlab chiqilgani o’quvchilarning e’tiboriga havola qilingan.
“Jahon” AA, Islomobod