Февраль ойида Ўзбекистонда ишбилармонлик фаоллиги индекси сезиларли даражада жадаллашди

Иқтисодий тадқиқотлар ва ислоҳотлар маркази томонидан ҳисобланадиган Ишбилармонлик фаоллиги индекси 2026 йил февраль ойида ўтган ойга ҳамда ўтган йилнинг шу даврига нисбатан сезиларли даражада ошди. Бу эса хўжалик юритувчи субъектлар ишбилармонлик фаоллигининг кучайганини акс эттиради.

Иқтисодий тадқиқотлар ва ислоҳотлар маркази томонидан ҳисобланадиган Ишбилармонлик фаоллиги индекси 2026 йил февраль ойида ўтган ойга ҳамда ўтган йилнинг шу даврига нисбатан сезиларли даражада ошди. Бу эса хўжалик юритувчи субъектлар ишбилармонлик фаоллигининг кучайганини акс эттиради.
Иқтисодий тадқиқотлар ва ислоҳотлар маркази томонидан баҳоланган Ишбилармонлик фаоллиги индекси (ИФИ) 2026 йил февраль ойида 1124 бирликни ташкил этиб, ўтган ойга нисбатан 12,4 фоизга ортган (ўтган йилнинг мос даврига нисбатан эса 24,2 фоизга ўсиш кузатилган.

Жорий йилнинг февраль ойида ИФИ компонентлари даражасидаги қуйидаги ўзгаришлар кузатилди:
 хўжалик юритувчи субъектларнинг банк ҳисоб-варақларидаги операциялар сони бўйича компонент 22 фоизга ортган;
 товар-хом ашё биржасида хом-ашё сотиб олиш жадаллиги 10,6 фоизга ошган;
 фаолият кўрсатаётган хўжалик юритувчи субъектлар бўйича компонент 0,9 фоизга ортган;
 товар белгилари бўйича компонент 9,4 фоизга ошган;
Шунингдек, 2026 йил февраль ойида ИФИ 13 та ҳудудда ўтган ойга нисбатан ўсиши кузатилган.

Жумладан, Андижон (44,8 %), Сирдарё (41,7 %), Тошкент (33,3 %) ва Қашқадарё вилоятида (28,2 %) сезиларли даражада ўсиш кузатилган (Жадвал №1, 2).
Шунингдек, ушбу кўрсаткич Қорақалпоғистон Республикасида 0,5 % га камайиб мўътадил даражада қолган.
Ҳисобот даврида банклараро тўлов операциялари сони 6760,3 минг тани ташкил этиб, 2026 йилнинг январь ойига нисбатан 1 220,5 минг транзакцияга (22%) ортган.
Банклараро тўлов операциялари сони 12 та ҳудудда ортган. Хусусан, Тошкент ш. (24,1 %), Сурхондарё (23,3 %), Самарқанд (21,4 %) ва Навоий (17,7 %) вилоятларида юридик шахслар ўртасидаги банк операциялари сони ўтган ойга нисбатан сезиларли ортган.
Шунингдек, бу кўрсаткич Сирдарё (8,1 %) ва Қорақалпоғистонда (1,6 %) камайган.
Жорий йилнинг февраль ойида ИФИнинг биржа компоненти 1,1058бирликни ташкил этган (ўтган ойга нисбатан 10,6 фоизга ортган). Бунда, тузилган битимлар сони 36,2 фоизга ортганлиги ва ҳар бир битим бўйича сотиб олинган товарларнинг ўртача ҳажми 15,1 фоизга камайганлиги кузатилди.
Республика товар-хом ашё биржасида товарлар савдосининг умумий айланмаси ҳажми 2026 йил февраль ойида 6 296 млрд. сўмни ташкил этиб, ушбу кўрсаткич ўтган ойга нисбатан 6,5 фоизга ортган.
Ҳисобот даврида фаолият юритаётган хўжалик субъектлари компоненти 1,0088 бирликни ташкил этиб, олдинги ойга нисбатан 0,9фоизга ортган. Бунда:
 барча турдаги фаолият юритаётган хўжалик юритувчи субъектлар сони олдинги ойга нисбатан 4 079 бирликка ортиб, 508,5 мингтани ташкил этган;
 йирик тадбиркорлик билан шуғулланувчи корхоналар сони эса 51 тага ошиб, 4 161 тани ташкил этган;
 кичик корхоналар сони 3,9 мингтага ортиб, 415,1 мингтага етган. Шунингдек, фермер хўжаликлари сони 36 тага ортиб, 89,2 мингтани ташкил этган.
2026 йилнинг февраль ойида савдо белгилари бўйича компонент 1,0641 бирликни ташкил этиб, ўтган ойга нисбатан 9,4фоизга ортган. Мазкур даврда юридик шахслар томонидан 430 та товар белгилари ва товар номлари рўйхатга олинган.