Франциядан муносабат: Бўлиб ўтган анжуман Ўзбекистоннинг барча даражадаги халқаро ҳамкорликни ривожлантиришга содиқ эканлигини намоён қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Франция тўқимачилик саноати иттифоқининг вице-президенти Норберт Блан иккинчи Тошкент халқаро инвестиция форумининг якунлари бўйича қуйидаги фикр-мулоҳазаларини «Дунё» ахборот агентлиги билан ўртоқлашди:
Яқинда Ўзбекистонда рўй берган воқеаларни диққат ва алоҳида ҳайрат билан кузатиб бораяпман. Минг нафардан зиёд иштирокчини ўз атрофига жамлаган иккинчи Тошкент халқаро инвестиция форуми Ўзбекистоннинг халқаро ҳамжамият олдидаги муносиб нуфузи ва жозибадорлигини яна бир бор намойиш этди.
Тадбирнинг долзарблиги Ўзбекистоннинг Марказий Осиёда инвестиция ва ишлаб чиқариш маркази сифатидаги роли юксалиб бораётгани билан боғлиқдир.
Форум, шунингдек, мамлакатнинг барча даражаларда халқаро ҳамкорликни равнақ топтириш, мамлакатда бизнесни ривожлантириш учун энг қулай шарт-шароитларни яратишга содиқ эканлигини ҳам намойиш қилди.
Президент Шавкат Мирзиёев ўзининг қутлов нутқида қулай инвестиция ва ишбилармонлик муҳити, мулк дахлсизлиги, бозор муносабатларини ривожлантириш, адолатли рақобат учун шароит яратиш, суд-ҳуқуқ тизимининг мустақиллигини таъминлашга содиқлигини яна бир бор таъкидлади.
Шу ўринда илгари Ўзбекистоннинг тўқимачилик саноатига лозим даражада эътибор берилмасдан мамлакатга пахта хом ашёсини йирик ишлаб чиқарувчиси ва экспорт қилувчиси сифатида қаралганини қайд этиш лозим.
Ушбу «статус-кво» иккита асосий омил туфайли ўзгарди. Аввало, аниқ мақсадга йўналтирилган инвестиция дастури тўқимачилик саноатини модернизация қилиш, пахтани қўшимча қийматли маҳсулотга айлантириш имконини берувчи технологик қайта жиҳозлашга хизмат қилди.
Иккинчидан, Ўзбекистонда амалга оширилаётган чуқур ўзгаришлар туфайли мамлакат Европа Иттифоқининг «GSP+» преференциялар Бош тизимининг бенефициари мақомини олди. Бу эса унга ўз маҳсулотини Европа Иттифоқи мамлакатларига божхона тўловлари ундирилмасдан экспорт қилиш имконини беради.
Таъкидлаш жоизки, болалар ва мажбурий меҳнатни бекор қилишга ёрдам берган қишлоқ хўжалиги ва саноат соҳасидаги пухта ўйланган ислоҳотлар натижасида республикада Европа ва дунё мамлакатлари билан савдо ҳамкорлигини ривожлантириш учун улкан имкониятлар эшиклари очилди.
ПАРИЖ, 2 май. /“Дунё” АА/.
