G‘OLIBLAR MAMLAKAT BOSQICHIGA BORADI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
“Xotin-qizlar qo‘mitasining eng namunali boshlang‘ich tashkiloti” ko‘rik-tanlovining Andijon viloyati bosqichida 29 boshlang‘ich tashkiloti 9 nominatsiya bo‘yicha g‘oliblik uchun bahslashdi.
“Go‘zal va betakrorimsan, muqaddas Vatanim, jonim senga fido, O‘zbekistonim!” shiori ostida tashkil etilgan tadbirda mamlakatimizda xotin-qizlarning ijtimoiy-siyosiy faolligini oshirish, ularning intilish va tashabbuslarini qo‘llab-quvvatlashga qaratilayotgan alohida e’tibor yuksak samaralar berayotgani ta’kidlandi. Prezidentimizning 2004-yil 25-maydagi “O‘zbekiston Xotin-qizlar qo‘mitasi faoliyatini qo‘llab-quvvatlash borasidagi qo‘shimcha chora-tadbirlar to‘g‘risida”gi farmoni bu borada muhim dasturilamal bo‘lmoqda.
Andijon viloyati korxona, tashkilot va muassasalarida xotin-qizlar qo‘mitalarining 4 ming 287 boshlang‘ich tashkiloti faoliyat yuritmoqda. Ular xotin-qizlarning ijtimoiy-iqtisodiy sharoitini yaxshilash, huquq va manfaatlarini himoya qilish, turmush farovonligini yanada yuksaltirish, tadbirkorlik borasidagi faoliyatini qo‘llab-quvvatlash, oilalarda sog‘lom turmush tarzini qaror toptirish ishlariga salmoqli hissa qo‘shib kelmoqda.
Yakunda 9 boshlang‘ich tashkiloti g‘olib, deb topildi va tanlovning mamlakat bosqichida qatnashish huquqini qo‘lga kiritdi.
– Mahallamizda xotin-qizlar bilan bog‘liq masalalarga alohida e’tibor qaratiladi, – deydi tanlov g‘olibi, Oltinko‘l tumanidagi “Jalabek” mahalla fuqarolar yig‘inining xotin-qizlar boshlang‘ich tashkiloti raisi Dona Ibrohimova. – Shu bois barcha yo‘nalishlarda ishlarimiz namunali yo‘lga qo‘yilgan. Bugungi tanlovda g‘olib bo‘lganimizdan xursandmiz. Ayni paytda bu zimmamizga katta mas’uliyat yuklashini ham yaxshi his qilmoqdamiz.
O‘zA