HINDISTON MATBUOTI O’ZBEKISTONDA IQTISODIYOT VA TURIZMNING RIVOJI HAQIDA
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Mamlakatimizda izchil kechayotgan rivojlanish jrayonlari xorijiy davlatlar ommaviy axborot vositalarida muntazam yoritib borilmoqda. O’zbekistonning yangi iqtisodiy va sayyohlik imkoniyatlari haqidagi navbatdagi maqola Hindistonning “The Statesman” gazetasida chop etildi.
Maqolada mamlakatimizning zamonaviy rivojlanishi, erishilgan natijalar va kutilayotgan asosiy ko’rsatkichlar haqida so’z yuritilib, O’zbekiston bugungi kunda turli sohalarda tub islohotlarni amalga oshirish orqali taraqqiyot sari ishonch bilan odimlayotgani ta’kidlanadi.
Unda O’zbekiston va Hindiston o’rtasidagi savdo-iqtisodiy hamkorlikka ham alohida e’tibor qaratiladi. Xususan, ushbu yo’nalishdagi aloqalar faol rivojlanayotgani, davlatlarimiz o’rtasida bu yo’nalishda qulay rejim o’rnatilgani, ikki tomonlama sarmoyalarni kengaytirish va himoya qilish to’g’risidagi bitim amal qilishi hamda ilmiy-texnika sohasida ham hamkorlik rivojlanayotgani qayd etiladi.
Hindiston nashrida O’zbekistonda turizm sohasining rivojlanishi masalasi ham keng yoritilgan. “Mamlakatning geofizikaviy o’ziga xosligi bu o’lkaga borgan sayyohlarga har bir faslni his etish imkoniyatini beradi, - deb yozadi “The Statesman”. - Bugungi kunda ko’plab xalqaro sayyohlik yo’nalishlari O’zbekistonning tarixiy diqqatga sazovor maskanlarini qamrab oladi”.
Maqolada shuningdek, O’zbekistonning bir qator shaharlari aeroportlari modernizatsiya qilingani, ularda xalqaro andozalarga mos holda yo’lovchilar uchun qulayliklar yaratilgani, “O’zbekiston havo yo’llari” milliy aviakompaniyasi samolyotlari majmuining muntazam yangilanib borilayotgani haqida aytiladi.
Bundan tashqari, “The Statesman” sahifasidan yurtimiz sayyohlik yo’nalishlari, o’zbek milliy oshxonasining o’ziga xos taomlari, mamlakatimizdagi umumxalq bayramlari hamda O’zbekiston haqida qisqacha tarixiy ma’lumotlar ham o’rin olgan.
“Jahon” AA, Dehli