IMKONIYAT VA IMTIYOZLAR SAMARASI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Andijon viloyati Asaka tumanidagi “Libero Vita Biznes” mas’uliyati cheklangan jamiyati joriy yilning birinchi choragida 150 ming dollarlik trikotaj mahsulotlarini eksport qildi.
Prezidentimiz rahnamoligida sanoat korxonalarini modernizatsiya qilish, ishlab chiqarishga yangi texnologiyalarni joriy etish, mahalliy ishlab chiqarishni rivojlantirish va qo‘llab-quvvatlashga alohida e’tibor qaratilmoqda. Bu kichik biznes va xususiy tadbirkorlik subyektlari tomonidan sanoat mahsulotlari ishlab chiqarish hajmini oshirishda yuksak samaralar bermoqda.
“Libero Vita Biznes” mas’uliyati cheklangan jamiyati ham yaratilayotgan bunday imkoniyat va imtiyozlardan samarali foydalanib, zamonaviy dastgoh va jihozlar keltirib o‘rnatdi. Mahsulot sifati va dizayniga alohida e’tibor qaratildi. Natijada korxona mahsulotlariga talab ortib, bozorda xaridorgir mahsulotlar qatoridan joy oldi.
– Korxonada bolalar, erkaklar va ayollar uchun 50 dan ortiq turdagi trikotaj mahsulotlari tayyorlanmoqda, – deydi “Libero Vita Biznes” mas’uliyati cheklangan jamiyati rahbari Dilmurod Qurbonov. – Joriy yilning birinchi choragida 150 ming dollar miqdoridagi mahsulot eksport qilingan bo‘lsa, ichki bozorda 200 million so‘mlik mahsulot sotildi. Dastlab, besh kishi bilan ish boshlagan korxonamiz ishchilari soni bugun 50 dan oshdi. Ularning aksariyati yoshlardir. Korxonada “Ustoz-shogird” an’anasi asosida tumandagi qator kollejlar o‘quvchilarining amaliyot o‘tashi yo‘lga qo‘yilgan.
Erishilayotgan muvaffaqiyatlarda ilg‘or ish uslublarini qo‘llash, ichki imkoniyatlardan samarali foydalanish, zamonaviy texnologiyalarni ishlab chiqarishga joriy etish, ishchi-xizmatchilarga munosib mehnat sharoiti yaratilishi muhim omil bo‘lmoqda.
O‘zA