KINOIJODKORLAR BILAN UCHRASHUVLAR
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Samarqandda Navro‘z bayrami munosabati bilan o‘zbek milliy kino san’ati festivali bo‘lib o‘tdi.
“O‘zbekkino” milliy agentligi va Samarqand viloyati hokimligi tomonidan tashkil etilgan tadbirda yurtimizdagi taniqli kino va teatr aktyorlari, rejissyorlar, san’atshunoslar ishtirok etdi.
Festivalning ochilish marosimida Prezidentimiz rahnamoligida teatr va kino san’atini rivojlantirish, xodimlar ijodini har tomonlama qo‘llab-quvvatlash va rag‘batlantirishga alohida e’tibor qaratilayotgani ta’kidlandi. Bu milliy qadriyatlarimizga mos, tarbiyaviy ahamiyatga ega filmlar, sahna asarlari yaratishga xizmat qilmoqda.
– Davlatimizning alohida e’tibori tufayli milliy kino san’atimiz rivojlanib, xalqimiz ma’naviyatini yuksaltirish, yoshlarni turli yot g‘oya va illatlardan asrashga qaratilgan ko‘plab badiiy filmlar yaratildi, – deydi O‘zbekiston xalq artisti Mirza Azizov. – Bunday kartinalarni kattayu kichik qiziqish bilan tomosha qilmoqda, zarur xulosalar chiqarmoqda. Kinofestival doirasida joylarda o‘tkazilgan uchrashuvlarda tomoshabinlar ana shu filmlar haqida o‘z fikrini bildirib, yangi taklif va g‘oyalar berayotir. Shu jihatdan festival biz, san’at ahli uchun muxlislar bilan fikr almashish, kelgusi ijodiy rejalarimizni belgilab olishda muhim ahamiyat kasb etdi.
Festival ishtirokchilari viloyatdagi oliy va o‘rta maxsus ta’lim muassasalari, mahallalar, kinoteatrlarda ijodiy uchrashuvlar, davra suhbatlari o‘tkazdi. Samarqand shahridagi “Sharq yulduzi” kinoteatrida rejissyor Z.Musoqovning “Xazonrezgi” badiiy filmi taqdimoti bo‘lib o‘tdi.
Festival kunlarida mehmonlar Samarqand viloyati shahar va qishloqlarida o‘tkazilgan Navro‘z sayillarida qatnashdi.