KITOB – ENG YAQIN DO‘ST

Poytaxtimizdagi “Yoshlik” talabalar shaharchasida “Kamolot” yoshlar ijtimoiy harakati, O‘zbekiston “Milliy tiklanish” demokratik partiyasi hamda O‘zbekiston Yozuvchilar uyushmasi hamkorligida “Yoshlar tarbiyasida kitobning o‘rni” mavzuida tadbir o‘tkazildi.

O‘zbekiston Respublikasi Prezidentining 2017 yil 12 yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibоt qilish bo‘yicha komissiya tuzish to‘g‘risida”gi farmoyishi ijrosi yuzasidan tashkil etilgan tadbirda talaba-yoshlar, professor-o‘qituvchilar, shoir va yozuvchilar hamda yosh ijodkorlar ishtirok etdi.

Xalqimiz o‘rtasida kitobxonlikni targ‘ib qilish, yoshlarda kitob o‘qish ko‘nikmasini rivojlantirish maqsadida qator chora-tadbirlar amalga oshirilayotir.

Bunday ijodiy kechalar o‘quvchi-yoshlarda kitob mutolaasi va kitobxonlik madaniyatini shakllantirishga xizmat qilmoqda. O‘zbek adabiyotining yetakchi namoyandalari, shoir va yozuvchilar bilan uchrashuv yoshlarning badiiy adabiyotga qiziqishini kuchaytiradi.

Tadbirda kitobning inson kamolotida tutgan o‘rni haqida so‘z yuritildi. U orqali inson o‘tmishi, dunyoni, o‘zligini anglashi ta’kidlandi.

O’zA