LONDON SHAHRIDAGI YIG‘ILISHGA DOIR
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
2015-yilning 18-noyabr kuni London shahrida Savdo va sanoat bo‘yicha O‘zbekiston-Britaniya kengashining (SSO‘BK) 22-yig‘ilishi bo‘lib o‘tdi.
Yig‘ilishda Tashqi ishlar vazirligi, qator idoralar, aksiyadorlik jamiyatlari rahbarlaridan iborat O‘zbekiston delegatsiyasi Buyuk Britaniya davlat idoralari, biznes doiralari, akademik muassasalar vakillari bilan birgalikda kelgusidagi hamkorlik rivojining bugungi holati va ustuvor yo‘nalishlari, iqtisodiyotning turli sohalarida o‘zaro manfaatli loyihalarni amalga oshirish masalalarini muhokama qildilar.
SSO‘BK hamraisi, Buyuk Britaniyaning Toshkentdagi sobiq Elchisi Barbara Logan Hey o‘z chiqishida O‘zbekistonga yaqindagi tashrifi, 5-6-noyabr kunlari Xalqaro investitsiya forumida ishtiroki taassurotlari haqida so‘zlab berdi va so‘ngi 10 yil ichida mamlakatimiz iqtisodiy taraqqiyotining yuqori ko‘rsatkichlari o‘zaro hamkorlik sur’atlarini oshirish uchun asosli zamin yaratayotganligini ta’kidladi.
O‘zbekiston delegatsiyasining SSO‘BK yig‘ilishidagi ishtiroki doirasida Buyuk Britaniya tashqi ishlar va Hamdo‘stlik ishlari bo‘yicha vaziri o‘rinbosari Tabias Ellvud bilan uchrashuv bo‘lib o‘tdi. Muloqot davomida ikki tomonlama munosabatlarning dolzarb masalalari ko‘rib chiqildi, qator xalqaro va mintaqaviy muammolar yuzasidan fikr almashildi.
London shahrida o‘z sohalarida yetakchi Britaniya kompaniyalari vakillari bilan ham alohida uchrashuvlar bo‘lib o‘tdi.