Малайзия компанияси раҳбарияти билан Ўзбекистонда электробуслар ишлаб чиқариш имкониятлари муҳокама қилинди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
збекистон элчихонаси ходимлари Малайзиянинг «Gemilang Coachwork Sdn. Bhd» компаниясининг ижрочи директори Панг Чонг Ёнг билан учрашув ўтказдилар, деб хабар бермоқда «Дунё» АА мухбири.
Мулоқот чоғида Малайзия томонига Ўзбекистонда олиб борилаётган кенг кўламли иқтисодий ислоҳотлар, шу жумладан «Ўзавтосаноат» АЖ ва унинг таркибидаги корхоналар, ишлаб чиқариладиган автомобиллар турлари ва ҳажмлари, давлатимизда электромобилларни ишлаб чиқариш имкониятлари ва автомобилсозлик соҳасида инвесторлар учун яратилган кенг имкониятлар тўғрисида батафсил маълумот берилди.
«Gemilang Coachwork Sdn. Bhd» компанияси вакиллари компания тўғрисида тақдимот ўтказишди. Тақдимотда компания томонидан ишлаб чиқарилаётган автобуслар, уларнинг хусусиятлари ва экспорт географияси, шунингдек компаниянинг келгуси режалари тўғрисида батафсил айтиб ўтилди.
Учрашувда Малайзия компанияси ва «Ўзавтосаноат» АЖ таркибидаги корхоналари ўртасидаги ўзаро ҳамкорликни янада чуқурлаштириш истиқболлари муҳокама қилинди.
«Gemilang Coachwork Sdn. Bhd» компаниясининг ижрочи директори Панг Чонг Ёнг мамлакатимизнинг «Uz Truck and Bus Motors» ҚК МЧЖ билан ўзаро ҳамкорлик ҳолатидан мамнун эканлигини билдирди. Суҳбатдош келгусида «Самавто» МЧЖ корхонаси билан корхона эҳтиёжлари учун алюминий кузовлар етказиб бериш ва биргаликда электро автобуслар ишлаб чиқариш имкониятларини ўрганишга қизиқиш билдирди.
Учрашув натижасида Малайзия компанияси билан «Ўзавтосаноат» АЖ ўртасида ҳамкорлик истиқболларини муҳокама қилиш ва «Самавто» МЧЖ негизида электро автобуслар ишлаб чиқариш имкониятларини ўрганиш бўйича онлайн музокаралар ўтказиш юзасидан келишиб олинди.
1992 йилда ташкил этилган бош қароргоҳи Малайзиянинг Жоҳор штатида жойлашган «Gemilang Coachwork Sdn. Bhd.» автобуслар ва бутловчи қисмлар ишлаб чиқариш билан шуғулланади. Йиллик ишлаб чиқариш ҳажми 1 мингга яқин автобус ва кузовни ташкил этади. Корхона маҳсулотлари АҚШ, Европа, Жануби-Шарқий Осиё ва Ўзбекистонга экспорт қилинади. Мазкур компания ва «Uz Truck and Bus Motors» ҚК МЧЖ ўртасида 2015 йилда ҳамкорлик ўрнатилган. Ҳамкорлик доирасида малайзия компанияси томонидан мамлакатимизга «МАН» автобуслари учун 350 та кузовлар етказиб берилган.
КУАЛА-ЛУМПУР, 13 апрель. /«Дунё» АА/.
