Марказий ва Жанубий Осиё ўртасидаги ўзаро боғлиқлик бўйича Термиз мулоқотининг биринчи йиғилиши Афғонистон ОАВ нигоҳида
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Афғонистоннинг марказий "TOLO news" телеканали ва сайтида Марказий ва Жанубий Осиё ўртасидаги ўзаро боғлиқлик бўйича Термиз мулоқотининг биринчи йиғилишига бағишланган телерепортаж ва мақола эълон қилинди, деб хабар қилмоқда "Дунё" АА мухбири.
Уларда Ўзбекистоннинг Сурхондарё вилояти марказида 19-21 май кунлари Марказий ва Жанубий Осиё ўртасидаги минтақавий ўзаро боғлиқликка бағишланган Термиз мулоқотининг биринчи саммити бўлиб ўтиши маълум қилинган.
Термиз мулоқотида Афғонистон Ташқи ишлар вазирлиги ва хусусий сектор вакилларидан иборат делегация иштирок этиши хабар қилинган.
"Ушбу мулоқотдан кўзланган мақсад Марказий ва Жанубий Осиё ўртасидаги алоқаларни мустаҳкамлаш, шунингдек, минтақалараро ҳамкорликнинг ҳозирги ҳолатини баҳолаш бўйича мунозара ва фикр алмашиш учун кўп томонлама платформа яратишдан иборат", – дейилган материалларда.
"Марказий Осиё давлатлари ҳамда Россия нефть ва газ ресурсларига бой янги бозорлар изламоқда. Шунингдек, Жанубий Осиё давлатлари катта энергия танқислигига дуч келмоқда ва буни Афғонистон ҳамкорлигисиз амалга ошириш мумкин эмас", – дея иқтисодий эксперт Абдул Носир Рештиа фикрларидан иқтибос келтирилган нашрларда.
Қайд этилишича, Афғонистон Савдо-саноат палатаси Термиз саммитини Марказий ва Жанубий Осиё минтақасини ўзаро боғлашда мамлакатнинг мавжуд салоҳиятидан фойдаланиш учун муҳим имконият деб билади.
"Ўзбекистон Президенти ҳузуридаги Стратегик ва минтақалараро тадқиқотлар институти, Ташқи ишлар вазирлиги ва Савдо-саноат палатаси ҳамкорлигида ташкил этилаётган Термиз мулоқоти форумида Марказий ва Жанубий Осиё, Европа, Мустақил Давлатлар Ҳамдўстлиги, Осиё-Тинч океани минтақаси, АҚШ ва Яқин Шарқдан 200 нафар вакил қатнашади", – дейилади "TOLO news" манбаларида.
