MARKAZIY OSIYO MINTAQAVIY EKOLOGIK MARKAZI ATROF-MUHIT MUHOFAZASI BO’YICHA O’ZBEKISTON TAJRIBASI HAQIDA

Bosh qarorgohi Almati shahrida joylashgan Markaziy Osiyo mintaqaviy ekologik markazi o’z elektron portalida Toshkentda bo’lib o’tgan” Jamoatchilik ekologik nazoratini amalga oshirish: O’zbekiston va Yevropa davlatlari tajribasi” xalqaro davra suhbatiga bag’ishlangan maqola e’lon qildi.

Manba mamlakatimizda atrof-muhitni muhofaza qilish borasida olib borilayotgan ishlarga alohida e’tibor qaratgan. Ijtimoiy-iqtisodiy sohalardagi islohotlar, sanoatni innovatsion texnologiyalar asosida moderinizatsiya qilish davlatning iqtisodiy talablarini qondirish hamda O’zbekiston flora va fauna dunyosini saqlab qolishga asoslangandir. Shu maqsadda asosiy qonun loyihasi ishlab chiqilmoqda va hozirda atrof-muhit himoyasini tartibga soluvchi 30 dan ortiq qonunlar, 150 dan ortiq huquqiy hujjatlar qabul qilingan.

Shuningdek, maqolada xalqaro davra suhbati chog’ida ishtirok etgan Avstriya, Belgiya, Buyuk Britaniya, Hindiston, Latviya, Singapur, Fransiya va Yaponiyalik vakillarning e’tirofiga sazovor bo’lgan O’zbekistondafgi ekologik tadbirlarda fuqarolarning faol ishtirokini ta’minlash uchun mobilizatsiya qilish tajribasi qalamga olingan.

Latviya Respublikasi atrof-muhitni muhofaza qilish va mintaqaviy rivojlanish vaziri K.Gerxards Toshkent xalqaro ekologik forumini atrof-muhit himoyasida fuqarolik instituti va jamoat tashkilotlari ahamiyatini oshirishdagi muhim omil deb atgani haqida xabar beriladi maqolada.

“Jahon” AA, Almati