MARKAZIY SAYLOV KOMISSIYASIDA
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Markaziy saylov komissiyasining majlisi bo‘lib o‘tdi. Majlisni Markaziy saylov komissiyasi raisi M.Abdusalomov boshqardi.
Majlisda O‘zbekiston Respublikasi Markaziy saylov komissiyasi a’zolari, siyosiy partiyalarning rahbarlari va ommaviy axborot vositalari vakillari ishtirok etdi.
Majlis qatnashchilari O‘zbekiston Respublikasining Birinchi Prezidenti Islom Karimov xotirasini yod etib, hurmat bajo keltirdi.
O‘zbekiston Respublikasi Konstitutsiyasining 96, 117-moddalari hamda “O‘zbekiston Respublikasi Prezidenti saylovi to‘g‘risida”gi qonunning 8-moddasi, “O‘zbekiston Respublikasi Markaziy saylov komissiyasi to‘g‘risida”gi qonunning 5 va 9-moddalariga muvofiq, 2016-yil 4-dekabr, yakshanba kunini O‘zbekiston Respublikasi Prezidenti saylovi kuni deb belgilash to‘g‘risida qaror qabul qilindi.
Shu munosabat bilan O‘zbekiston Respublikasi Markaziy saylov komissiyasi joriy yilning 9-sentabridan O‘zbekiston Respublikasi Prezidenti saylovi bo‘yicha saylov kampaniyasi boshlanganligini e’lon qildi.
Markaziy saylov komissiyasi majlisida O‘zbekiston Respublikasi Prezidenti sayloviga tayyorgarlik ko‘rish va uni o‘tkazish buyicha Asosiy tadbirlar dasturi ham tasdiqlandi.
Majlisda saylovga tayyorgarlik ko‘rish va uni o‘tkazish bilan bog‘liq barcha tadbirlar Markaziy saylov komissiyasi, tuziladigan saylov komissiyalari tomonidan ochiq va oshkora, “O‘zbekiston Respublikasi Prezidenti saylovi to‘g‘risida”gi qonunga to‘liq muvofiq holda amalga oshirilishi ta’kidlandi.
Shuningdek, Markaziy saylov komissiyasi O‘zbekiston Respublikasi Prezidenti saylovini yoritish buyicha Respublika matbuot markazini tuzish haqida qaror qabul qildi. Matbuot markazi Toshkent shahri, Navoiy ko‘chasi, 16-uyda joylashgan.
Shu kunning o‘zida mamlakatimiz va chet el ommaviy axborot vositalari vakillari uchun brifing o‘tkazildi.
O’zA