Birinchi slide Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Minsk shahrida Alisher Navoiy byusti oʻrnatildi

2019 - Фаол инвестициялар ва ижтимоий ривожланиш йили 2019 - Фаол инвестициялар ва ижтимоий ривожланиш йили O'zbekiston Respublikasi Prezidenti saylovi - 2016 O’zbekiston Respublikasi Prezidenti saylovi - 2016 O'zbekiston Respublikasi Mustaqillik kuni O’zbekiston Respublikasi Mustaqillik kuni Boshqa yangiliklar va voqealar Boshqa yangiliklar va voqealar Press-relizlar Press-relizlar O`zbеkistоning IHT TIVKga raisligi O`zbеkistоning IHT TIVKga raisligi BMT Mingyillik rivojlanish maqsadlari BMT Mingyillik rivojlanish maqsadlari XMT doirasidagi xamkorlik (ILO) XMT doirasidagi xamkorlik (ILO) "MAQOM" xalqaro festivali "MAQOM" xalqaro festivali Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O‘zbekiston Xalqaro Paxta Yarmarkasi O‘zbekiston Xalqaro Paxta Yarmarkasi Sayyohlik Sayyohlik Xalqaro sanoat yarmarkasi va Kooperatsiya birjasi Xalqaro sanoat yarmarkasi va Kooperatsiya birjasi 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari
hamma resurslarni ko'rsatish
Minsk shahrida Alisher Navoiy byusti oʻrnatildi

Minsk, 30-iyul. OʻzA maxsus muxbiri Matnazar ELMURODOV xabar qiladi.

Oʻzbekiston Respublikasi Prezidenti Shavkat Mirziyoyevning Belarus Respublikasiga rasmiy tashrifi arafasida Minsk shahri markazidagi soʻlim xiyobonda ulugʻ oʻzbek shoiri va mutafakkiri Alisher Navoiy byusti ochildi.

Ushbu tadbir madaniyatlaro munosabatlarning yangi tarixidagi ulkan voqelik boʻldi. Boisi, shu kungacha bu yerda bironta sharq mutafakkiriga bu qadar yuksak ehtirom koʻrsatilmagan. Ushbu byust Belarus Respublikasida sharq adabiyotining buyuk dahosiga quyilgan ilk yodgorlikdir.

Olam ahli bilingizkim, ish emas dushmanligʻ,
Yor oʻlung bir-biringizgakim, erur yorligʻ ish.

Ulugʻ bobokalonimiz qalamiga mansub ushbu satrlar oradan necha asr oʻtsa-da, ahamiyati ortib bormoqda. Buni oʻzbek va belarus xalqlari oʻrtasidagi munosabatlar rivojida ham koʻrish mumkin.

Navoiy bobomiz byusti ochilishiga bagʻishlab oʻtkazilgan tantanali marosimda bu yana bir bor namoyon boʻldi. Tadbirda ulugʻ oʻzbek shoirining ushbu hikmatli satrlari belarus tilida yangradi.

Tantanali marosimda ikki mamlakat parlamenti aʼzolari, adabiyot, madaniyat namoyandalari, yoshlar, keng jamoatchilik vakillari qatnashdi.

Belarus Respublikasi Milliy majlisi Kengashi raisi oʻrinbosari Marianna Shetkina mazkur tadbir mamlakatlarimiz oʻrtasidagi yangi bosqichga chiqqan munosabatlarning mantiqiy davomi ekanini taʼkidladi. Oʻtgan yili Toshkentda atoqli belarus adibi va jamoat arbobi Yakub Kolas xotirasiga yodgorlik oʻrnatilgani fikrimizga yaqqol dalildir.

– Ushbu yodgorlikning ochilishi yorugʻ va tantanali hodisa. Chunki Navoiy nafaqat ulugʻ shoir va mutafakkir, balki buyuk maʼrifatparvar ham boʻlgan. Navoiy merosi butun insoniyat mulkiga aylangan, asarlari jahonning koʻplab tillariga tarjima qilingan. Uning chuqur falsafasi, asarlaridagi rang-barang obrazlar xalqlarni doʻstlik, insonparvarlik, olijanoblik kabi tuygʻular orqali birlashtirishga xizmat qiladi, – dedi Marianna Shetkina.

Tadbirda Oʻzbekiston Respublikasi Oliy Majlisi Senati Raisining birinchi oʻrinbosari Sodiq Safoyev Navoiy falsafasi xalqlarimiz madaniyati, tafakkurida beqiyos oʻrin tutishi, Prezidentimiz tashrifi doirasida oʻtayotgan mazkur marosim oʻzbek va belarus xalqlari oʻrtasidagi uzoq asrlik doʻstlik va birodarlik rishtalari bugungi kunda yangi bosqichga koʻtarilayotganini ifoda etishini qayd etdi.

Oʻzbekiston Belarusni vaqt sinovidan oʻtgan ishonchli hamkor, tashqi siyosatdagi ustuvor sherik sifatida koʻradi. Ushbu mamlakat poytaxtida buyuk oʻzbek shoiri yodgorligining ochilishi ikki mamlakat oʻrtasidagi munosabatlarni yanada mustahkamlashga xizmat qiladi.

Shu oʻrinda Alisher Navoiy asarlari bugungi kunda ham jahonda tinchlik, doʻstlik, birodarlikni targʻib qilayotgan bebaho meros sifatida boshqa xalqlar tomonidan ham qadrlanayotganini eʼtirof etish joiz. Aslida chinakam adabiyot vaqt, makon, chegara tanlamaydi. Toki insoniyat komillikka intilar ekan, Navoiy asarlari har bir davrda, har qanday qatlam uchun qadrli va dolzarb boʻlib qolaveradi.

Belaruslik yosh haykaltarosh Maksim Makarevich tomonidan ishlangan byust buni yana bir bor tasdiqlaydi.

Shu kuni Navoiy bobomiz yodgorligi poyi gullarga burkandi. Marosim oʻzbek va Belarus xalqlari adabiyotining bayramiga aylanib ketdi.

UzA