NARIMON UMAROVNING QORAQALPOG‘ISTON RESPUBLIKASI SAYLOVCHILARI BILAN UCHRASHUVI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston “Adolat” sotsial-demokratik partiyasidan O‘zbekiston Respublikasi Prezidentligiga nomzod Narimon Umarov 21-noyabr kuni Qoraqalpog‘iston Respublikasi saylovchilari bilan uchrashdi.
Videokonferensiya shaklida tashkil etilgan uchrashuvni O‘zbekiston “Adolat” sotsial-demokratik partiyasi Qoraqalpog‘iston Respublikasi kengashi raisi Ye.Qunnazarov ochdi. Prezidentlikka nomzodning ishonchli vakili R.O‘tarboyev yig‘ilganlarni nomzodning tarjimai holi bilan tanishtirdi.
O‘zbekiston Respublikasi Prezidentligiga nomzod Narimon Umarov o‘z saylovoldi dasturi yuzasidan nutq so‘zladi.
Mamlakatimizning barcha hududlarida bo‘lgani kabi mustaqillik yillarida Qoraqalpog‘iston Respublikasi iqtisodiyoti ham izchil rivojlanib, aholi farovonligi yuksalib bormoqda. Ayniqsa, Qo‘ng‘irot soda zavodi va Ustyurt gaz-kimyo majmuasi nafaqat mintaqamiz, balki jahonda ham yirik sanoat korxonalari sifatida mamlakatimiz iqtisodiy taraqqiyotida muhim ahamiyat kasb etadi.
Nomzodning dasturida demokratik ijtimoiy davlat va adolatli fuqarolik jamiyati qurish, innovatsion iqtisodiyotga o‘tish, kuchli ijtimoiy siyosat olib borish, xususan, aholini sifatli tibbiy xizmat, ta’lim va uy-joy bilan ta’minlash darajasini yanada oshirish kabi dolzarb vazifalarga alohida e’tibor qaratilgan.
Orol dengizining qurishi oqibatida hududda yuzaga kelgan ekologik halokatni bartaraf etishga qaratilgan loyiha va dasturlarni izchil davom ettirish, ekologik jihatdan toza texnologiyalar asosida jadal rivojlanishni ta’minlashga yo‘naltirilgan mutanosib iqtisodiy siyosat olib borishni qo‘llab-quvvatlash hamda sanoat korxonalari chiqindilarini qayta ishlash orqali atrof-muhit musaffoligini asrash masalalari ilgari surilgan.
Ekologiya masalalari ijtimoiy-iqtisodiy siyosatimizning ustuvor vazifalaridan biri bo‘lib, bu sohani kompleks rivojlantirish bo‘yicha alohida dastur ishlab chiqish, tabiatning sanoat korxonalari tomonidan ifloslanishini kamaytirish, chang va zaharli moddalarni ko‘p yutuvchi o‘simlik va daraxtlar soni va turini ko‘paytirish, shaharlar va sanoat korxonalari atrofida yashil maydonlar barpo etish, saksovul va butazorlarni kengaytirish orqali atrof-muhit musaffoligini ta’minlashga qaratilgan aniq mexanizmlar ishlab chiqilishi zarurligi ta’kidlangan.
Qoraqalpog‘iston Respublikasi Xalq ta’limi vazirligiga qarashli 10-ko‘zi ojiz va zaif ko‘ruvchi bolalar uchun ixtisoslashtirilgan davlat maktab-internati direktori N.Qaypbergenov, “Ekosan” xalqaro xayriya jamoat fondi Qoraqalpog‘iston Respublikasi hududiy bo‘limi rahbari N.Mirzamuratov, Nukus davlat pedagogika instituti boshlang‘ich ta’lim fakulteti dekani U.Seytjanova, Shumanay tumanidagi “Oqjap” ovul fuqarolar yig‘ini raisi Q.Ubaydullayev va boshqalar nomzodning saylovoldi dasturi haqida fikr bildirib, saylovga tayyorgarlik jarayoni milliy qonunchiligimiz va umume’tirof etilgan xalqaro normalarga muvofiq o‘tayotganini ta’kidladi. Saylovchilarni 2016-yil 4-dekabr kuni bo‘lib o‘tadigan O‘zbekiston Respublikasi Prezidenti saylovida faol ishtirok etishga chaqirdi.
O’zA
