Oʻzbekiston “Egmont” guruhi bilan faoliyatni kengaytiradi
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
“Egmont” guruhi — moliyaviy razvedka boʻlinmalari xalqaro tashkiloti boʻlib, dunyoning 130 dan ortiq moliyaviy razvedkalarini birlashtiradi.
“Egmont” moliyaviy razvedka boʻlinmalari guruhining faoliyatida ishtirok etish doirasida Oʻzbekiston Respublikasining majburiyatlarini taʼminlashga doir tashkiliy chora-tadbirlar toʻgʻrisidagi Hukumat qarori qabul qilindi. Bu haqda Adliya vazirligining “Huquqiy axborot” kanali xabar bermoqda.
Qarorga muvofiq, Bosh prokuratura huzuridagi Iqtisodiy jinoyatlarga qarshi kurashish departamenti “Egmont” moliyaviy razvedka boʻlinmalari guruhining faoliyatida ishtirok etish doirasida Oʻzbekiston Respublikasining majburiyatlari taʼminlanishi uchun masʼul maxsus vakolatli organ etib belgilandi.
Qaror bilan tegishli vazirlik hamda idoralar Departamentni “Egmont” guruhi faoliyatida ishtirok etish doirasidagi majburiyatlarni bajarishi uchun zarur maʼlumotlar bilan taʼminlaydi.
Shuningdek, Departamentga amaliy maqsadga muvofiqlikdan kelib chiqib, tegishli vazirlik hamda idoralar rahbarlari bilan kelishgan holda mazkur guruh doirasida oʻtkaziladigan yalpi majlislar va boshqa tadbirlarda ishtirok etish uchun Oʻzbekiston delegatsiyalarini shakllantirishda ularning vakillari ekspertlar sifatida jalb qilinadi.
Eslatib oʻtamiz, “Egmont” guruhi — moliyaviy razvedka boʻlinmalari xalqaro tashkiloti boʻlib, dunyoning 130 dan ortiq moliyaviy razvedkalarini birlashtiradi.
OʻzA