Birinchi slide Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Oʻzbekiston va Misr Prezidentlarining tor doiradagi uchrashuvi boshlandi

2017 - Xalq bilan muloqot va inson manfaatlari yili 2017 - Xalq bilan muloqot va inson manfaatlari yili O'zbekiston Respublikasi Prezidenti saylovi - 2016 O’zbekiston Respublikasi Prezidenti saylovi - 2016 O'zbekiston Respublikasi Mustaqilligining 27 yilligi O’zbekiston Respublikasi Mustaqilligining 27 yilligi Boshqa yangiliklar va voqealar Boshqa yangiliklar va voqealar Press-relizlar Press-relizlar O`zbеkistоning IHT TIVKga raisligi O`zbеkistоning IHT TIVKga raisligi BMT Mingyillik rivojlanish maqsadlari BMT Mingyillik rivojlanish maqsadlari XMT doirasidagi xamkorlik XMT doirasidagi xamkorlik "MAQOM" xalqaro festivali "MAQOM" xalqaro festivali Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O‘zbekiston Xalqaro Paxta Yarmarkasi O‘zbekiston Xalqaro Paxta Yarmarkasi Sayyohlik Sayyohlik Xalqaro sanoat yarmarkasi va Kooperatsiya birjasi Xalqaro sanoat yarmarkasi va Kooperatsiya birjasi 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni
hamma resurslarni ko'rsatish
Oʻzbekiston va Misr Prezidentlarining tor doiradagi uchrashuvi boshlandi

Koʻksaroy qarorgohida 5 sentyabr kuni Misr Arab Respublikasi Prezidenti Abdulfattoh as-Sisini rasmiy kutib olish marosimi boʻldi. Oliy martabali mehmon sharafiga faxriy qorovul saf tortdi.

Shavkat Mirziyoyev va Abdulfattoh as-Sisi shohsupaga koʻtarildilar. Ikki mamlakat davlat madhiyalari yangradi. Prezidentlar faxriy qorovul safi oldidan oʻtdilar.

Shundan soʻng davlat rahbarlarining tor doiradagi uchrashuvi boshlandi.

Prezident Shavkat Mirziyoyev Misr Prezidentini mamlakatimizga tashrifi bilan qutladi.

– Biz Misr Arab Respublikasini tarixi mushtarak, qadimiy sivilizatsiya, boy tarixga ega, ilm-fanga chuqur eʼtibor qaratgan davlat deb bilamiz. Bizning birligimiz, yaqinligimiz juda qadimga borib taqaladi. Ota-bobolarimiz birgalikda ilm-fanni rivojlantirgan, madaniy hamkorlik, savdo-sotiq qilgan. Bunga tarixda misollar juda koʻp. Bizning xalqimizda “Mehr koʻzda” degan dono naql bor. Biz qancha koʻp uchrashsak, muloqot qilsak, oʻzaro bordi-keldilarni yoʻlga qoʻyib, turli sohalarda samarali hamkorlikni kuchaytirsak, bu albatta xalqlarimizning ezgu intilishlari va manfaatlariga toʻla mos keladi, – dedi Prezidentimiz.

– Avvalo Oʻzbekistonga taklifingiz uchun oʻz tashakkurimni izhor qilmoqchiman. Mamlakatingizga kelgan birinchi kundan boshlab oʻzimni yurtimdagidek his qilmoqdaman. Misr xalqi mamlakatimiz bilan ming yillik mushtarak tarixga ega yurtingizni hurmat qiladi. Oʻylaymanki, bu tashrif nafaqat oʻzaro hamkorlikni mustahkamlashga, balki barcha sohalarda katta sakrash qilishga turtki beradi. Biz siyosiy, savdo-iqtisodiy, investitsiya, madaniyat kabi sohalarda hamkorlikni rivojlantirish masalalarini koʻrib chiqamiz. Terrorizm va ekstremizmga qarshi kurash borasida fikr almashamiz. Biz munosabatlarimizni hamma sohada rivojlantirish tarafdorimiz, – dedi Misr rahbari.

Muloqotda mamlakatlarimiz oʻrtasidagi hamkorlikning bugungi holati va istiqbollari, xalqaro va mintaqaviy siyosatning dolzarb masalalari yuzasidan fikr almashildi.

Avval xabar qilinganidek, Oʻzbekiston – Misr muzokaralari yakunida davlat rahbarlarining Qoʻshma bayonoti qabul qilinishi moʻljallangan. Oʻzbekiston bilan Misr oʻrtasida siyosiy, savdo-iqtisodiy, madaniy-gumanitar sohalardagi hamkorlikni mustahkamlash va kengaytirishga qaratilgan salmoqli hujjatlar toʻplami imzolanishi kutilmoqda.

www.prezident.uz