O’ZBEKISTON BOKS USTALARINING ZAFARI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Toshkentdagi “O’zbekiston” sport majmuasida Xalqaro havaskor bokschilar uyushmasi (AIBA)ning Butunjahon boks seriyasi (WSV) va yarim professional bokschilar (ARV) yo’nalishlari bo’yicha turnirlari bo’lib o’tdi.
O’zbekiston Respublikasi Madaniyat va sport ishlari vazirligi, Milliy olimpiya qo’mitasi, mamlakatimiz boks federatsiyasi hamda Xalqaro havaskor bokschilar uyushmasi hamkorligida tashkil etilgan turnirda O’zbekiston, Puerto-Riko, Ispaniya, Ruminiya, Xorvatiya, Hindiston, Mo’g’uliston va Qozog’istondan charm qo’lqop ustalari o’zaro kuch sinashdi.
Prezidentimiz Islom Karimov rahnamoligida Olimpiya o’yinlari dasturiga kiritilgan sport turlari, jumladan, boksni rivojlantirishga qaratilayotgan doimiy e’tibor samarasida sportchilarimiz nufuzli musobaqalarda ulkan g’alabalarga erishmoqda. Bu poytaxtimizda o’tgan turnirda ham o’z isbоtini topdi.
WSB yo’nalishidagi dastlabki kungi bahslarda mamlakatimizning “Uzbek Tigers” jamoasi Puerto-Rikoning “Puerto Rico Hurricanes” jamoasi ustidan 5:0 hisobida g’alaba qozondi.
O’z vazn toifasida Abror Qodirov Seyber Avillani, Elnur Abduraimov Stiven Ruidiazni, Doston Turdiyev Samuel Kedenani, Shuhrat Abdullayev Xuan Karilloni, Sardor Abdullayev Valavikus Mantasni mag’lubiyatga uchratdi.
Ushbu yo’nalishdagi navbatdagi bellashuvda “Uzbek Tigers” jamoasi Qozog’istonning “Astana Arlans” jamoasini 4:1 hisobida yengdi.
Hamyurtlarimizdan Hasanboy Do’smatov Temirtas Jusupovni, Abdulxay Shorahmatov Meyrbo’lat Toitovni, Fazliddin Meliboyev Asxat Ualixanovni, Mirzabek Hasanov Yerkin Muhammedjanni mag’lub etdi.
— Xalqimiz ishonchini oqlaganimizdan xursandmiz, - deydi M.Hasanov. - Bu g’alabalarimiz mamlakatimizda sportni rivojlantirish, biz, yoshlarning iqtidor va salohiyatimizni yuzaga chiqarish uchun yaratilgan sharoitlar natijasidir.
ARV yo’nalishidagi bellashuvlarda ringga chiqqan Jasurbek Latipov mo’g’ulistonlik Gandulam Mungun Erdeneni, Dilshod Mahmudov ispaniyalik Yuba Ndiaye Sissokxoni, Isroil Madrimov hindistonlik Vikas Krishan Yadavni, Zuhriddin Mahkamov ruminiyalik Aleksandr Makedonni, Ulug’bek Mubinov xorvatiyalik Marin Mindolevichni yengdi.
"Jahon" AA