Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

O‘ZBEKISTON PREZIDENTI XITOY HUKUMATI DELEGATSIYASINI QABUL QILDI

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
O‘ZBEKISTON PREZIDENTI XITOY HUKUMATI DELEGATSIYASINI QABUL QILDI

O‘zbekiston Respublikasi Prezidenti Shavkat Mirziyoyev 9-sentabr kuni Xitoy Kommunistik partiyasi Markaziy qo‘mitasi siyosiy-huquqiy komissiyasi kotibi, O‘zbekiston-Xitoy hukumatlararo hamkorlik qo‘mitasi hamraisi Men Szyanchju boshchiligida Qo‘shma qo‘mitaning navbatdagi majlisida ishtirok etish uchun mamlakatimizga kelgan Xitoy Xalq Respublikasi hukumati delegatsiyasini qabul qildi.

Davlatimiz rahbari mehmonni samimiy qutlar ekan, O‘zbekiston va Xitoy o‘rtasida o‘zaro manfaatli, ko‘p qirrali hamkorlik izchil rivojlanayotganini chuqur mamnuniyat bilan qayd etdi.

O‘zbekiston Prezidentining joriy yil may oyida Xitoyga davlat tashrifi ikki tomonlama munosabatlarni sifat jihatdan yangi bosqichga ko‘targani, mamlakatlarimizning har tomonlama strategik sherikligini mustahkamlashga xizmat qilgani alohida ta’kidlandi.

O‘zaro savdo hajmi barqaror sur’atlarda o‘sib bormoqda. Shu yilning yanvar-iyul oylarida tovar ayirboshlash hajmi 2,5 milliard dollardan oshdi.

Xitoyning yetakchi kompaniyalari va bank-moliya institutlari bilan hamkorlikda energetika, neftgaz, kimyo, mashinasozlik, elektrotexnika, yengil sanoat tarmoqlari, ishonchli transport-kommunikatsiya infratuzilmasini rivojlantirish, turizm va boshqa muhim yo‘nalishlarda ustuvor sarmoyaviy dastur va loyihalar tayyorlanmoqda va amalga oshirilmoqda.

Ikki davlat hududlari va biznes hamjamiyatlari o‘rtasidagi aloqalar faol rivojlanmoqda. Ilmiy-texnikaviy va madaniy-gumanitar hamkorlik kengaymoqda.

Uchrashuvda O‘zbekiston va Xitoy o‘rtasidagi amaliy hamkorlik, birinchi navbatda, savdo-iqtisodiy, sarmoyaviy, moliyaviy va transport-kommunikatsiya sohalaridagi aloqalar istiqbollari muhokama qilindi.

Oliy darajadagi kelishuvlarning to‘la bajarilishi hamda iqtisodiyotning yuqori texnologiyali tarmoqlaridagi yangi loyihalarni amalga oshirishda O‘zbekiston-Xitoy hukumatlararo hamkorlik qo‘mitasi alohida o‘rin tutishi qayd etildi.

Men Szyanchju Prezidentimiz Shavkat Mirziyoyevga qabul uchun samimiy minnatdorlik bildirdi, Xitoy Xalq Respublikasi Raisi Si Szinpinning salomi va ezgu tilaklarini yetkazdi.

Xitoy O‘zbekiston bilan har tomonlama strategik sheriklik munosabatlarini yanada mustahkamlashga tayyor va bundan manfaatdor ekani ta’kidlandi.

Prezidentimiz farmoniga muvofiq, mamlakatlarimiz o‘rtasida do‘stlik va hamkorlik munosabatlarini mustahkamlash, uzoq muddatli va o‘zaro manfaatli aloqalarni yanada kengaytirish, shuningdek, yirik iqtisodiy va sarmoyaviy loyihalarni amalga oshirish, har tomonlama strategik sheriklik munosabatlarini rivojlantirishga qo‘shgan hissasi uchun Men Szyanchjuga "Do‘stlik" ordeni topshirildi.

O‘zA