Birinchi slide Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

O‘zbekiston Prezidentining Qozog‘iston Prezidenti bilan telefon orqali muloqoti to‘g‘risida

2017 - Xalq bilan muloqot va inson manfaatlari yili 2017 - Xalq bilan muloqot va inson manfaatlari yili O'zbekiston Respublikasi Prezidenti saylovi - 2016 O’zbekiston Respublikasi Prezidenti saylovi - 2016 O'zbekiston Respublikasi Mustaqilligining 27 yilligi O’zbekiston Respublikasi Mustaqilligining 27 yilligi Boshqa yangiliklar va voqealar Boshqa yangiliklar va voqealar Press-relizlar Press-relizlar O`zbеkistоning IHT TIVKga raisligi O`zbеkistоning IHT TIVKga raisligi BMT Mingyillik rivojlanish maqsadlari BMT Mingyillik rivojlanish maqsadlari XMT doirasidagi xamkorlik (ILO) XMT doirasidagi xamkorlik (ILO) "MAQOM" xalqaro festivali "MAQOM" xalqaro festivali Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O‘zbekiston Xalqaro Paxta Yarmarkasi O‘zbekiston Xalqaro Paxta Yarmarkasi Sayyohlik Sayyohlik Xalqaro sanoat yarmarkasi va Kooperatsiya birjasi Xalqaro sanoat yarmarkasi va Kooperatsiya birjasi 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari
hamma resurslarni ko'rsatish
O‘zbekiston Prezidentining Qozog‘iston Prezidenti bilan telefon orqali muloqoti to‘g‘risida

O‘zbekiston Respublikasi Prezidenti Shavkat Mirziyoyev 19 noyabr kuni Qozog‘iston Respublikasi Prezidenti Nursulton Nazarboyev bilan telefon orqali muloqot qildi.

Muloqot avvalida davlat rahbarlari qardosh mamlakatlarimiz o‘rtasidagi do‘stlik, yaxshi qo‘shnilik va strategik sheriklik munosabatlari izchil mustahkamlanib borayotganini chuqur mamnuniyat bilan qayd etdilar.

Aloqalar barcha daraja va yo‘nalishlarda faollashgani ko‘p qirrali O‘zbekiston – Qozog‘iston hamkorligini yanada rivojlantirishga xizmat qilayotgani ta’kidlandi.

O‘zaro savdo hajmi ortib, iqtisodiyotning turli tarmoqlarida, xususan, hududlar va ishbilarmon doiralar o‘rtasida kooperatsiya kengayib bormoqda. Joriy yil 15 noyabr kuni Chimkent shahrida ikki mamlakat chegaraoldi hududlari ma’muriyatlari va yetakchi kompaniyalari rahbarlari ishtirokida birinchi hududlararo hamkorlik forumi muvaffaqiyatli o‘tkazildi.

Qozog‘istonda O‘zbekiston yili doirasida ishbilarmonlik va madaniy-gumanitar almashuv dasturi sermazmun bo‘lgani qayd etildi. Yil boshidan buyon jami 50 dan ortiq qo‘shma tadbir o‘tkazilgani buning tasdig‘idir.

Muloqot davomida davlat rahbarlari oliy darajadagi kelishuvlarni amalga oshirish doirasidagi hamkorlik istiqbollarini, shuningdek, bo‘lajak tadbirlar rejasini muhokama qildilar.

Dolzarb mintaqaviy va xalqaro masalalar, jumladan, 2019 yilda mamlakatimizda o‘tkaziladigan Markaziy Osiyo davlat rahbarlarining ikkinchi maslahat uchrashuviga tayyorgarlik ishlari xususida fikr almashildi.

Muloqot so‘ngida davlat rahbarlari keng ko‘lamli hamkorlikni bundan buyon ham faol rivojlantirish, qardosh O‘zbekiston va Qozog‘iston xalqlari manfaatini, mintaqada barqarorlik va izchil taraqqiyotni ta’minlash yo‘lida ko‘p asrlik do‘stlik, yaxshi qo‘shnilik va ikki tomonlama strategik sheriklik munosabatlarini mustahkamlashga intilishi qat’iy ekanini ta’kidladilar.

www.president.uz