O‘zbekiston Respublikasi Prezidenti MDH davlatlari mudofaa idoralari rahbarlari bilan uchrashdi
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Prezidenti Shavkat Mirziyoyev 12 oktabr kuni Mustaqil Davlatlar Hamdo‘stligi Mudofaa vazirlari kengashining navbatdagi majlisida ishtirok etish uchun mamlakatimizga tashrif buyurgan MDHga a’zo davlatlar mudofaa idoralari rahbarlarini qabul qildi.
Uchrashuvda Ozarbayjon mudofaa vaziri Z.Gasanov, Armaniston mudofaa vaziri D.Tonoyan, Belarus mudofaa vaziri A.Ravkov, Qozog‘iston mudofaa vaziri Ye.Yermekbayev, Rossiya mudofaa vaziri S.Shoygu, Tojikiston mudofaa vaziri Sh.Mirzo, Qirg‘iziston Qurolli Kuchlari Bosh shtabi boshlig‘i R.Duyshenbiyev va MDH Mudofaa vazirlari kengashi kotibi Yu.Dashkin ishtirok etdi.
Prezidentimiz delegatsiyalar rahbarlarini qutlar ekan, MDH Mudofaa vazirlari kengashining majlisi ilk bor Toshkentda o‘tkazilayotgani mamlakatimizning Hamdo‘stlik faoliyatidagi ishtiroki yangi bosqichga ko‘tarilganidan dalolat ekanini ta’kidladi.
O‘tgan yilda O‘zbekiston Hamdo‘stlikning iqtisodiyot, energetika, fan va innovatsiyalar, jinoyatchilikka qarshi kurashish kabi sohalarda hamkorlik bo‘yicha 10 dan ortiq tarmoq organlariga qo‘shildi.
Uchrashuvda MDH doirasida harbiy va harbiy-texnik hamkorlikni, shu jumladan, idoralararo sheriklikni yanada kengaytirish, ikki va ko‘p tomonlama tadbirlar o‘tkazish, harbiy kadrlarni professional tayyorlash masalalari ko‘rib chiqildi.
Xalqaro va mintaqaviy siyosatning, jumladan, xavfsizlik va barqarorlikni ta’minlashning dolzarb masalalari yuzasidan ham fikr almashildi.
MDH mamlakatlari mudofaa idoralari rahbarlari O‘zbekiston Respublikasi Prezidentiga samimiy qabul uchun minnatdorlik bildirib, o‘z davlat rahbarlarining salomi va ezgu tilaklarini yetkazdi. O‘zbekistonda Qurolli Kuchlarni modernizatsiya qilish va mamlakat mudofaa qobiliyatini mustahkamlash borasida amalga oshirilayotgan keng ko‘lamli islohotlarga, shuningdek, mamlakatimizning mintaqada xavfsizlik, barqarorlik va izchil taraqqiyotni ta’minlashga doir tashabbuslariga yuksak baho berildi.
Mudofaa idoralari o‘rtasida tomonlarni qiziqtirayotgan masalalar bo‘yicha konstruktiv va o‘zaro manfaatli hamkorlikni yanada rivojlantirishga tayyorlik bildirildi.
Uchrashuv yakunida davlatimiz rahbari MDH Mudofaa vazirlari kengashi majlisi ishiga muvaffaqiyat va samarali natijalar tiladi.
