O‘ZBEKISTON RESPUBLIKASI PREZIDENTI MDHNING NORASMIY SAMMITIDA ISHTIROK ETDI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Prezidenti Shavkat Mirziyoyev 2018 yil 6 dekabr kuni Mustaqil Davlatlar Hamdo‘stligiga a’zo mamlakatlar Davlat rahbarlari kengashining Sankt-Peterburg shahrida bo‘lib o‘tgan norasmiy majlisida ishtirok etdi.
Davlatimiz rahbari Shavkat Mirziyoyevni Rossiya Federatsiyasi Prezidenti Vladimir Putin kutib oldi.
Suratga tushish marosimidan so‘ng MDHga a’zo davlatlar rahbarlarining norasmiy uchrashuvi boshlandi.
Alohida ta’kidlash kerakki, mamlakatimizning Hamdo‘stlikka a’zo davlatlar bilan hamkorligi turli yo‘nalishlarda izchil va har tomonlama rivojlanib bormoqda.
Prezidentimiz joriy yil 28 sentabr kuni Dushanbe shahrida bo‘lib o‘tgan MDH Davlat rahbarlari kengashi majlisida ishtirok etgan edi.
O‘tgan davrda mamlakatimiz MDH doirasida o‘nta tarmoq bo‘yicha hamkorlikka qo‘shildi. O‘zbekiston tashkilot Parlamentlararo assambleyasining to‘la huquqli a’zosi bo‘ldi, O‘simliklar karantini bo‘yicha muvofiqlashtiruvchi kengash, Fan-texnika va innovatsiya sohalarida hamkorlik bo‘yicha davlatlararo kengash, Agrosanoat majmui masalalalari bo‘yicha kengash, Atom energiyasidan tinch maqsadlarda foydalanish bo‘yicha komissiya, MDHga a’zo davlatlar xavfsizlik organlari va maxsus xizmatlari rahbarlari kengashi, MDHning xizmatlar bo‘yicha erkin savdo hududi to‘g‘risida bitimini ishlab chiqishga oid yuqori darajali ishchi guruh va boshqa organlar faoliyatiga qo‘shildi.
O‘zbekiston MDH makonida o‘zaro bozorlarni shakllantirish, bojxona tartib-taomillarini soddalashtirish, xalqaro va mintaqaviy transport yo‘laklaridan samarali foydalanish tarafdoridir.
Joriy yilda O‘zbekiston Hamdo‘stlik doirasida Mudofaa vazirlari kengashi, Urug‘chilik masalalari bo‘yicha muvofiqlashtiruvchi kengash, Standartlashtirish, metrologiya va sertifikatlashtirish bo‘yicha kengash, Geodeziya, kartografiya, kadastr va Yerni masofadan turib zondlash bo‘yicha davlatlararo kengash majlislari va ko‘plab boshqa muhim tadbirlarni o‘tkazdi. Bu turli sohalarda ko‘p qirrali o‘zaro manfaatli hamkorlikni sezilarli darajada faollashtirish, iqtisodiy va investitsiyaviy aloqalarni mustahkamlash, sanoat kooperatsiyasini kengaytirish imkonini berdi.
Uchrashuvda Hamdo‘stlik davlatlarining savdo-iqtisodiy hamkorligini yanada rivojlantirish, o‘zaro savdo hajmini oshirish, transport-kommunikatsiya salohiyatidan samarali foydalanish, shuningdek, xavfsizlikni mustahkamlash, zamonaviy xatar va tahdidlarning oldini olish va ularga qarshi kurashish masalalariga e’tibor qaratildi.
Gumanitar, ta’lim va turizm sohalarida almashuvlarni izchil davom ettirish zarurligi ta’kidlandi.
Tomonlarni qiziqtirgan boshqa masalalar ham muhokama qilindi.
Ta’kidlash joizki, O‘zbekiston Respublikasi kelasi yil MDHda hamrais, 2020 yilda esa MDH Davlat rahbarlari sammitiga mezbon bo‘ladi.
MDH norasmiy sammiti doirasida Prezidentimiz qator davlat rahbarlari bilan ikki tomonlama suhbatlar o‘tkazdi. Ularda 2018 yilda samarali sheriklikning asosiy yakunlari va kelgusidagi hamkorlikning istiqbolli yo‘nalishlari muhokama qilindi.
Shu bilan O‘zbekiston Respublikasi Prezidenti Shavkat Mirziyoyevning Sankt-Peterburg shahriga tashrifi yakuniga yetdi.
