Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

O‘ZBEKISTON VA ROSSIYA: STRATEGIK SHERIKLIKNING 25 YILI

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
O‘ZBEKISTON VA ROSSIYA: STRATEGIK SHERIKLIKNING 25 YILI

O‘zekspomarkazda 30-noyabr kuni shunday nomli tarixiy-hujjatli ko‘rgazma ochildi.

Shu munosabat bilan o‘tkazilgan tantanali tadbirda ikki mamlakat parlament a’zolari, vazirlik va idoralari rahbarlari, olimlar, diplomatik korpus vakillari, yurtdoshlarimiz va rossiyalik mehmonlar ishtirok etdi.

Ikki mamlakatning davlat madhiyalari yangradi.

O‘zbekiston Respublikasi Prezidenti Shavkat Mirziyoyevning tarixiy-hujjatli ko‘rgazma tashkilotchilari va ishtirokchilariga tabrigini Prezidentning Davlat maslahatchisi X.Sultonov o‘qib eshittirdi.

Rossiya Federatsiyasi Prezidenti Vladimir Putinning qutlov so‘zini Rossiya Federatsiyasi Prezidentining xorijiy davlatlar bilan mintaqalararo va madaniy aloqalar bo‘yicha boshqarmasi boshlig‘i, Rossiya delegatsiyasi rahbari V.Chernov o‘qib eshittirdi.

O‘zbekiston Respublikasi Oliy Majlisi Senati Raisining birinchi o‘rinbosari S.Safoyev, Rossiya Federatsiyasi Federal Majlisi Federatsiya Kengashi Raisining o‘rinbosari I.Umaxanov, Rossiya Federatsiyasining mamlakatimizdagi Favqulodda va muxtor elchisi V.Tyurdenev va boshqalar O‘zbekiston bilan Rossiya o‘rtasidagi hamkorlik har tomonlama rivojlanib borayotgani, ushbu ko‘rgazma strategik sheriklik va mustahkam do‘stlik aloqalarini yaqqol namoyon etishini ta’kidladi.

Joriy yilda O‘zbekiston Respublikasi bilan Rossiya Federatsiyasi o‘rtasida diplomatik munosabatlar o‘rnatilganiga 25 yil to‘ldi. Shu munosabat bilan 20-mart kuni O‘zbekiston Prezidenti Shavkat Mirziyoyev va Rossiya Prezidenti Vladimir Putin bir-birlarini qutladilar.

Qutlovlarda ta’kidlanganidek, o‘tgan yillarda O‘zbekiston bilan Rossiya munosabatlari strategik sheriklik darajasiga ko‘tarildi. Serqirra va ko‘p tomonlama munosabatlar rivojida salmoqli natijalarga erishildi.

Ko‘rgazmada ana shu natijalar, tarixiy hujjatlar o‘z ifodasini topgan. Ekspozitsiya yettita mavzuga bo‘lingan 300 ga yaqin eksponatni o‘z ichiga olgan.

Ulardan biri O‘zbekiston Respublikasi Prezidenti Shavkat Mirziyoyevning joriy yil aprel oyida Rossiya Federatsiyasiga davlat tashrifiga bag‘ishlangan.

Ushbu tashrif mamlakatlarimiz o‘rtasidagi munosabatlarni yanada yuqori bosqichga ko‘tardi. Oliy darajadagi muzokaralarda o‘zaro aloqalarni rivojlantirishning uzoq muddatli istiqbollari belgilab olindi. Hamkorlik sohalari kengaydi. Muloqotlar natijasida umumiy qiymati 16 milliard dollar bo‘lgan hukumatlararo va idoralararo hujjatlar imzolandi.

Bu voqea barcha darajadagi aloqalarga yangi sur’at bag‘ishladi. Delegatsiyalar tashrifi, ishbilarmon doiralar hamkorligi faollashdi.

Ko‘rgazma bloklaridan yana biri “Siyosiy muloqot” deb nomlangan. Unda bugungi diplomatik munosabatlarga asos solgan Birinchi Prezidentimiz Islom Karimovning Rossiya Prezidentlari Boris Yelsin, Vladimir Putin va Dmitriy Medvedev bilan uchrashuvlari, imzolangan qo‘shma bayonot va shartnomalar suratlari aks etgan.

O‘zbekiston bilan Rossiya o‘rtasida savdo, iqtisodiyot, energetika, qishloq xo‘jaligi, ta’lim, madaniyat va boshqa sohalardagi hamkorlikka doir ikki yuzdan ziyod hujjat qabul qilingan. 2004-yil 16-iyunda imzolangan Strategik sheriklik to‘g‘risidagi shartnoma, 2005-yil 14-noyabrda imzolangan Ittifoqchilik munosabatlari to‘g‘risidagi shartnoma ularning eng muhimlaridir. Mamlakatlarimiz BMT, ShHT, MDH kabi xalqaro tuzilmalar doirasida ham samarali hamkorlik qilib kelmoqda.

Ko‘rgazmada ikki tomonlama iqtisodiy hamkorlikka alohida o‘rin berilgan.

O‘zbekiston – Rossiya munosabatlarida savdo-iqtisodiy aloqalar asosiy o‘rinda turadi. Mamlakatimizda Rossiya investitsiyalari ishtirokida tuzilgan 960 dan ziyod korxona, Rossiyada esa O‘zbekiston sarmoyadorlari ishtirokida tashkil etilgan qariyb 570 korxona faoliyat yuritmoqda. Yurtimizda ushbu mamlakatning 64 yetakchi firma va kompaniyasi o‘z vakolatxonasini ochgan.

O‘zaro savdo hajmi jadal ortib bormoqda – yil boshidan buyon tovar ayirboshlash hajmi 3 milliard dollardan oshgan.

Mamlakatimizda Rossiyaning yetakchi kompaniya va banklari ishtirokida neft-gaz va neft-kimyo sohalari, metallurgiya, mashinasozlik, elektr texnikasi sanoati, farmatsevtika, agrosanoat, oziq-ovqat va boshqa tarmoqlarda yirik investitsiya loyihalari amalga oshirilmoqda. Ikki davlat hududlari va ishbilarmon doiralari o‘rtasidagi amaliy hamkorlik kengayib bormoqda.

Yana bir ekspozitsiya harbiy va harbiy-texnikaviy hamkorlikka bag‘ishlangan.

O‘zbekiston va Rossiya tinchlik va barqarorlikni mustahkamlash, mintaqaviy xavf-xatarlarga qarshi kurashish borasida ham izchil hamkorlik qilib kelmoqda. Turli yillarda terrorizmga qarshi qo‘shma taktik mashqlar o‘tkazilgan. Joriy yil oktabrda Janubi-g‘arbiy maxsus harbiy okrugining “Forish” tog‘-dala o‘quv maydonida O‘zbekiston Respublikasi va Rossiya Federatsiyasi mudofaa vazirliklari qo‘shinlari bo‘linmalarining maxsus taktik-o‘quv mashqlari bo‘lib o‘tdi. Sentabr oyida Toshkent shahrida ikki mamlakat Xavfsizlik kengashlari apparatlari o‘rtasida navbatdagi maslahatlashuvlar o‘tkazildi.

Madaniy-gumanitar hamkorlikka bag‘ishlangan bo‘limda ushbu sohadagi mustahkam aloqalar o‘z ifodasini topgan.

O‘zbekiston bilan Rossiyaning fan, ta’lim, madaniyat, san’at, sport, turizm sohalaridagi hamkorligi izchil rivojlanmoqda. Ikki davlat xalqlari bir-birining madaniyati va adabiyotiga hurmat bilan qaraydi. Moskva shahrida buyuk o‘zbek shoiri va mutafakkiri Alisher Navoiy haykali, Toshkent shahrida rus shoiri Aleksandr Pushkin haykali qad rostlagan. Mamlakatimizda Rossiyaning yetakchi oliy ta’lim muassasalari filiallari ochilgan.

2016-yil O‘zbekistonda Rossiya kunlari, joriy yil Rossiyada O‘zbekiston madaniyati kunlari o‘tkazildi. O‘zbekiston delegatsiyasining tashrifi arafasida Moskvadagi A.Pushkin nomidagi tasviriy san’at muzeyida mamlakatimizning I.Savitskiy nomidagi davlat san’at muzeyi eksponatlari ko‘rgazmasi tashkil etildi.

Bu yil Toshkent yeparxiyasining 145 yilligi nishonlandi. Unda ishtirok etish uchun Moskva va Butun Rus Patriarxi Kirill yurtimizga tashrif buyurdi.

"Umumiy tarixning muhim davrlari" deb nomlangan qismda Ikkinchi jahon urushida o‘zbekistonlik askarlarning qahramonliklari, yurtimizga evakuatsiya qilingan rossiyaliklarning hayoti va faoliyati, xalqimizning front ortidagi mashaqqatli mehnati, 1966-yilda Toshkentda ro‘y bergan zilziladan keyingi tiklanish ishlari aks ettirilgan.

“Zamonaviy O‘zbekiston” deb nomlangan bo‘limda mamlakatimizning mustaqillik yillaridagi taraqqiyoti, iqtisodiy va madaniy boyliklari, turizm salohiyati namoyon bo‘lgan.

– Mamlakatlarimiz va xalqlarimiz o‘zaro hurmat, umumiy maslak, tarixiy xotiralar bilan bog‘langan, – dedi Rossiya Federatsiyasi Federal Majlisi Federatsiya Kengashi Raisining o‘rinbosari I.Umaxanov. – 1970-yil mening ona yurtim Dog‘istonda dahshatli zilzila bo‘lganda o‘zbekistonlik quruvchi va ishchilar birinchi bo‘lib yetib borgan. Mahachqal’ada ular bunyod etgan maskanni hozir ham xalqimiz “O‘zbek shaharchasi” deb ataydi. Bunday mehr-oqibat, hamjihatlik biz tengilar uchun ulkan saboq va ibrat bo‘lgan. Shunday do‘stlik ruhini avloddan avlodga yetkazish, mamlakatlarimiz o‘rtasidagi hamkorlikni izchil mustahkamlash juda muhim. Ushbu ko‘rgazmada umumiy tariximiz va bugungi aloqalarimiz namoyon bo‘lgani bizda katta taassurot qoldirdi.

Ko‘rgazma doirasida yana bir voqea bo‘ldi. O‘zbekiston Respublikasi xalq artisti Galina Melnikova Rossiya Federatsiyasi Prezidentining shu yil 27-noyabrdagi farmoniga muvofiq, Rossiyaning “Drujba” (Do‘stlik) ordeni bilan taqdirlangan edi. Rossiya Federatsiyasi Prezidentining xorijiy davlatlar bilan mintaqalararo va madaniy aloqalar bo‘yicha boshqarmasi boshlig‘i V.Chernov Galina Melnikovaga ushbu mukofotni tantanali ravishda topshirdi.

Ko‘rgazma bir oy davom etadi.

Shu kuni Moskva davlat universitetining Toshkent filialida "O‘zbekiston va Rossiya strategik sherikligining yangi ufqlari: iqtisodiyot, xavfsizlik, ijtimoiy muloqot" mavzuida xalqaro konferensiya bo‘lib o‘tdi.

Anjumanda mamlakatimiz vazirlik va idoralari rahbarlari, Rossiya delegatsiyasi a’zolari nutq so‘zladi. Akademiklar, tarixchi va siyosatshunos olimlar, oliy ta’lim muassasalari o‘qituvchilarining ma’ruzalari tinglandi.

Tadbirda O‘zbekiston bilan Rossiya sherikligining turli jihatlari – tarixiy bosqichlar, siyosiy muloqotlar natijalari, iqtisodiy hamkorlik imkoniyatlari, madaniy-gumanitar aloqalar istiqbollariga doir masalalar muhokama qilindi.

www.uza.uz