O’ZBEKISTON YENGIL SANOATINING RIVOJLANISHI «MASCHE» JURNALI NIGOHIDA
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Germaniyada har chorakda nashr etiladigan «Masche» iqtisodiy jurnalida O’zbekistonda to’qimachilik sanoatining rivojlanishi va uning sarmoyaviy salohiyatiga bag’ishlangan maqola bosilib chiqdi. Mazkur jurnal Germaniya trikotaj-to’quv mahsulotlari uyushmasining matbaa nashri hisoblanadi.
Maqolada xabar qilinganidek, mamlakatimiz keyingi yillar davomida yiliga 8 foizdan ziyod ko’rsatkichga ega bo’lgan iqtisodiy o’sishning yuqori sur’atlarini namoyish etmoqda. Manbaning qayd etishicha, respublikamiz oltin, ko’mir, gaz, mis va boshqa ko’plab tabiiy resurslarning ulkan zaxiralariga ega.
«O’zbekiston - jahon bozorini paxta tolasi va ipak bilan ta’minlaydigan yirik yetkazib beruvchilardan biri. Shu omil hisobga olinadigan bo’lsa, O’zbekistonning to’qimachilik sanoati nemis kompaniyalari uchun ikki tomonlama iqtisodiy va sarmoyaviy hamkorlikning eng muhim sohalaridan biri ekanligi ayon bo’ladi. Ular xususiylashtirish va modernizatsiyalash jarayonlarida faol ishtirok etish, o’zbekistonlik sheriklar bilan uzoq muddatli o’zaro manfaatli shartnomalarni imzolash imkoniyatiga egadirlar», deb yozadi nashr.
Shuningdek, «Masche» jurnali o’z o’quvchilarini mamlakatimiz to’qimachilik sanoatini modernizatsiyalashga yo’naltirilgan sarmoyaviy dastur bilan ham tanishtirgan. Maqolada mazkur hujjatga muvofiq, 2020-yilga qadar mamlakat ichkarisida paxtani qayta ishlash hajmlarini 70 foizga qadar oshirish ko’zda tutilgani ma’lum qilingan.
«Jahon» AA