O‘ZBEKISTONDA 1,4 MINGDAN ORTIQ ADVOKATLIK TUZILMASI FAOLIYAT KO‘RSATMOQDA
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Poytaxtimizda “Advokatlar faoliyatining huquqiy asoslari: muammo va yechimlar” mavzuida davra suhbati bo‘lib o‘tdi. Tadbirda advokatura sohasida uchrayotgan ayrim muammolarni bartaraf etish yo‘llari muhokama etildi.
O‘zbekiston “Adolat” sotsial-demokratik partiyasi siyosiy kengashi raisining o‘rinbosari A.Rahmonov, O‘zbekiston Respublikasi Advokatlar palatasi raisi R.Ahmedov va boshqalar mamlakatimizda Prezidentimiz rahnamoligida inson huquqlarini himoya qilishning samarali tizimi yaratilganini ta’kidladi.
Advokatura institutining roli oshirilgani ana shu maqsadga xizmat qilayotir. “Advokatura to‘g‘risida”gi qonunning qabul qilingani, sohaga oid qonunchilik takomillashtirilgani mazkur institutni isloh qilishda muhim o‘rin tutdi. Bu ayblov va himoyaning tengligi va odil sudlovni amalga oshirishda tomonlar tortishuvi prinsipini ta’minlashga zamin yaratdi.
2009 yil 1 yanvardan kuchga kirgan “Advokatura instituti takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonun asosida himoyachining ishda ishtirok etishiga jinoyat protsessining har qanday bosqichida, shaxs ushlanganida esa uning harakatlanish erkinligiga bo‘lgan huquqi amalda cheklangan paytdan boshlab ruxsat etiladi. Agar gumon qilinuvchi, ayblanuvchi yoki sudlanuvchi qamoqda bo‘lsa, himoyachi u bilan jinoyat ishini yuritish uchun mas’ul davlat organlari va mansabdor shaxslarning ruxsatisiz, uchrashuvlar soni va davom etish vaqti cheklanmagan holda xoli uchrashishga haqli.
Davlatimiz rahbarining 2008 yil 1 maydagi “O‘zbekiston Respublikasida advokatura institutini yanada isloh qilish chora-tadbirlari to‘g‘risida”gi farmoni advokaturani yuqori malakali kadrlar bilan to‘ldirishga yo‘l ochdi. Advokatlarning mustaqilligi kafolatlari kuchayib, bu kasbning nufuzi yanada oshdi.
Advokatlar palatasi tizimida hozirgi kunda 1,4 mingdan ortiq advokatlik tuzilmasi mavjud bo‘lib, ularda 3,7 mingdan ziyod advokat faoliyat yuritmoqda. Ularning mavqeini yuksaltirishga qaratilayotgan alohida e’tibor tufayli fuqarolar manfaatlarini himoya qilishdagi o‘rni tobora mustahkamlanmoqda.
Davra suhbatida advokatura institutining fuqarolarning tergov va sud ishini yuritishning har qanday bosqichida malakali yuridik yordam olish huquqini ta’minlash samaradorligini yanada oshirishga e’tibor qaratildi. Inson huquqlari va erkinliklarining samarali himoya qilinishini ta’minlashda advokatura sohasida uchrayotgan ayrim muammolarni bartaraf etish yo‘llari muhokama etildi.
Sohaga oid qonunlarda uchrayotgan ayrim bo‘shliqlarni aniqlash va ularni bartaraf etish, advokatura instituti faoliyatiga doir qonunchilikni takomillashtirish bo‘yicha takliflar tayyorlash zarurligi qayd etildi. Aholining huquqiy madaniyatini yanada yuksaltirish, qonunlar mohiyatini fuqarolarga, mansabdor shaxslar ongiga singdirib borishda bevosita advokatura tizimining ishtirokini yanada kuchaytirish zarurligi aytib o‘tildi.
O’zA