O’ZBEKISTONLIK MEHMONXONA VA RESTORAN BIZNESI VAKILLARI GERMANIYA TAJRIBASINI O’RGANISHMOQDA
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
FRANKFURT-MAYN, 22 noyabr. /“Dunyo” AA/. Joriy yilning 18-25 noyabr kunlari Buxoro hokimiyati Iqtisodiyot va turizmni rivojlantirish bo’limi, mehmonxona va restoran xizmati vakillaridan iborat delegatsiya germaniyalik hamkorlar bilan o’zaro tajriba va bilimlarini almashish maqsadida Bonn shahrida bo’lishdi.
Mazkur uchrashuv mamlakatimizning Frankfurt-Mayn shahridagi Bosh konsulxonasi, Buxoro-Bonn birodarlashgan shaharlari, Bonn shahri meriyasi va Germaniya-O’zbekiston do’stlik jamiyati hamkorligida tashkil etildi.
Tadbir doirasida delegatsiya a’zolari Robert Vetslar kasb-hunar kolleji, Bonn shahri Sog’liqni saqlash boshqarmasi, shahar restoran va mehmonxonalarida bo’lishdi. Shuningdek, Germaniya oziq-ovqat mahsulotlari xavfsizligini ta’minlash bo’yicha “QS Qualität und Sicherheit” (tarj. “Sifat va xavfsizlik”) mas’uliyati cheklangan jamiyatida tashkil etilgan “Germaniyada ishlab chiqarilgan: oziq-ovqat mahsulotlari sifati va xavfsizligini ta’minlash” mavzusidagi davra suhbati mehmonlarda katta taassurot qoldirdi.
Uchrashuvdan ko’zlangan asosiy maqsad turizmni rivojlantirish borasida o’zaro tajriba almashish bilan birga, ommaviy ovqatlanish va undagi sifat nazoratini ta’minlash masalalari bo’yicha Germaniya tajribasini o’rganish bo’ldi. Taniqli “Made in Germany” sifat belgisini nazorat qiluvchi “QS Qualität und Sicherheit” MChJ vakillari kelajakda yurtimizning sohaga tegishli tashkilotlari bilan hamkorlikni yo’lga qo’yishga tayyor ekanliklarini ma’lum qildilar.
Tadbir davomida o’zbekistonlik mutaxassislar Germaniya oziq-ovqat sanoati tomonidan ishlab chiqarilayotgan mahsulotlarda sifat va xavfsizlikni ta’minlashda mamlakat rasmiy idoralari bilan bir qatorda nodavlat tashkilotlarning o’rni va nazorat qilish mexanizmlari bilan yaqindan tanishdilar. Bunda aholi salomatligini himoya qilish, sifatsiz va sog’liq uchun zararli mahsulotlarning sotuvini oldini olishdagi samarali vositalar haqida batafsil ma’lumot berildi.
“Dunyo” AA
