OFITSERLAR XIZMATGA YO‘L OLDI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Ichki ishlar vazirligi Yong‘in xavfsizligi oliy texnik maktabida bitiruv tantanasi bo‘lib o‘tdi.
Mamlakatimizda ichki ishlar tizimini isloh qilish jarayonida sohani yuksak malakali, professional kadrlar bilan ta’minlashga alohida e’tibor qaratilmoqda. Ayni kunlarda Ichki ishlar vazirligi tizimidagi oliy ta’lim muassasalarida o‘qishni tamomlayotgan yoshlar xalqimiz osoyishtaligini saqlashdek muqaddas burchini ado etishga yo‘l olmoqda.
Tadbirda O‘zbekiston Respublikasi ichki ishlar vaziri A.Ahmadboyev, Yong‘in xavfsizligi oliy texnik maktabi boshlig‘i A.Qo‘ldoshev va boshqalar Prezidentimiz Islom Karimov rahnamoligida mamlakatimizda kadrlar tayyorlashning milliy modeli yaratilgani barcha soha va tarmoqlar uchun yuqori malakali mutaxassislar tayyorlashda muhim omil bo‘layotganini ta’kidladi. Ixtisoslashgan ta’lim muassasalarining moddiy-texnik bazasi mustahkamlanib, kadrlar tayyorlashning zamonaviy tizimi shakllantirilgani bunda alohida ahamiyat kasb etayotir.
Yong‘in xavfsizligi oliy texnik maktabida kursantlarning bilim olishi, jangovar mashg‘ulotlarni yuqori saviyada o‘tkazish uchun barcha sharoit yaratilgan. Ta’lim jarayoni zamonaviy axborot va ilg‘or pedagogik texnologiyalarni qo‘llagan holda, namunaviy o‘quv rejalari asosida olib borilmoqda.
– Mazkur o‘quv maskanida yong‘in xavfsizligi muhandisi uchun zarur bilim va ko‘nikmalarni puxta egalladik, – deydi kursant Bahrom Muhiddinov. – Endi faoliyatimiz davomida bizga bildirilgan yuksak ishonchni oqlash uchun bor mahoratimizni ishga solishga harakat qilamiz.
O‘zA