Олий Мажлис Қонунчилик палатаси спикерининг биринчи ўринбосари Туркия Буюк миллат мажлиси делегацияси билан парламентлараро алоқаларини янада ривожлантириш масалаларини муҳокама қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Олий Мажлис Қонунчилик палатаси спикерининг биринчи ўринбосари Акмал Саидов Туркия Буюк миллат мажлисининг Имкониятларда гендер тенглик комиссияси раиси Фатма Аксал бошчилигидаги делегация аъзолари билан учрашди, деб хабар бермоқда «Дунё» АА мухбири.
Парламент қуйи палатасидан маълум қилинишича, мулоқот аввалида Акмал Саидов меҳмонларни юртимизга ташрифи билан самимий қутлаб, мазкур учрашув икки давлат ўртасидаги парламентлараро ҳамкорлик алоқаларини янада ривожлантиришга хизмат қилишини таъкидлади.
Суҳбат чоғида делегация аъзоларига мамлакатимизда сўнгги беш йил мобайнида амалга оширилаётган изчил ислоҳотлар, ҳар томонлама пухта ўйланган, ўзаро манфаатли ва амалий ташқи сиёсатнинг устувор йўналишлари, бугун республикамизда гендер тенгликни таъминлаш ва хотин-қизлар манфаатларини ҳимоя қилиш масаласи давлат сиёсати даражасига кўтарилгани ҳақида сўзлаб берилди.
Учрашувда Олий Мажлис Қонунчилик палатаси Туркия парламенти билан парламентлараро мулоқотни турли даражада фаоллаштириш тарафдори экани қайд этилди.
Мамлакатларимизни тарихий алоқалар, маданий ва диний ришталар ҳамда муштарак анъана ва маънавий қадриятлар яқинлиги боғлаб туради. Жорий йил 4 март куни Ўзбекистон-Туркия дипломатик муносабатларининг ўрнатилганига 30 йил тўладиган бўлса, 2021 йил Туркия томонидан Ўзбекистон мустақиллигини тан олинганига 30 йил тўлди.
Мулоқот чоғида Ўзбекистон-Туркия муносабатлари икки ва кўп томонлама ҳамкорлик шаклида сезиларли даражада ривожланиб бораётгани, минтақалар ўртасидаги алоқалар сезиларли даражада жонланиб, мунтазамлик касб этиб бораётгани таъкидланди.
Томонлар сўнгги йилларда ҳар иккала мамлакат раҳбарлари Шавкат Мирзиёев ва Режеп Таййип Эрдўғон сайъ-ҳаракатлари туфайли мамлакатларимиз ўртасидаги муносабатларда янги саҳифа очилганини алоҳида қайд этди.
Мулоқот якунида Ўзбекистон ва Туркия ўртасидаги ҳамкорликни ривожлантириш, парламентлараро алоқаларни янги босқичга олиб чиқиш бўйича аниқ таклифлар билдирилди.
«Дунё» АА
