OSIYO CHEMPIONATIDA MEDALLAR SHODASI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Poytaxtimizda shaxmat bo‘yicha 8-18 yoshgacha o‘g‘il-qizlar o‘rtasida o‘tkazilgan Osiyo chempionatida terma jamoamiz a’zolari 8 oltin, 12 kumush va 9 bronza, jami 29 medalni qo‘lga kiritdi.
O‘zbekiston Respublikasi Jismoniy tarbiya va sport davlat qo‘mitasi, mamlakatimiz shaxmat federatsiyasi va Osiyo shaxmat federatsiyasi hamkorligida tashkil etilgan nufuzli musobaqada qit’amizning 20 ga yaqin davlatidan 400 ga yaqin shaxmatchi g‘oliblik uchun bahslashdi. Osiyo chempionati uch yo‘nalishda – standart, rapid va blits bo‘yicha o‘tkazildi.
Nufuzli musobaqaning shveytsarcha tizimda to‘qqiz turdan iborat standart shaxmat bahslarida sportchilarimiz Vatanimiz sharafini munosib himoya qilib, 3 oltin, 4 kumush va 3 bronza medalni qo‘lga kiritdi.
Chempionatning o‘n olti yoshgacha o‘g‘il bolalar o‘rtasidagi bahslarida shaxmatchilarimizga teng keladigan raqib topilmadi. Tajribali shaxmatchimiz Nodirbek Yoqubboyev to‘qqiz partiyaning oltitasida g‘alaba qozonib, ikkitasida durang natija qayd etdi va 7 ochko bilan Osiyo chempioni bo‘ldi. To‘qqiz turning beshtasini g‘alaba va to‘rttasini durang bilan yakunlagan Shamsiddin Vohidov ham 7 ochko to‘plab, qo‘shimcha ko‘rsatkichlar bo‘yicha kumush medalga sazovor bo‘ldi. Uchinchi o‘rin to‘qqiz imkoniyatdan 6,5 ochko jamg‘argan Saidakbar Saydaliyevga nasib etdi.
O‘ttiz besh shaxmatchi ishtirokida o‘tgan o‘n ikki yoshgacha o‘g‘il bolalar o‘rtasidagi bahs ham yosh, iqtidorli sportchimiz Javohir Sindorovning g‘alabasi bilan yakunlandi. U to‘qqiz imkoniyatdan 7,5 ochko jamg‘arib shohsupaning eng yuqori pog‘onasiga ko‘tarildi.
Sakkiz yoshgacha qizlar bahsida Afro‘za Hamdamova to‘qqiz partiyaning sakkiztasida g‘alaba qozonib, bittasida durang natija qayd etdi va 8,5 ochko bilan oltin medalni qo‘lga kiritdi. To‘qqiz imkoniyatdan 7 ochko jamg‘argan Odina Olimova kumush medal bilan taqdirlandi.
O‘z yosh toifasida Nodirbek Abdusattorov (8 ochko) birinchi, Umarxon Faxriddinxo‘jayev (6,5 ochko) ikkinchi, Alixon Avazxonov (6,5 ochko), Gulruhbegim Tohirjonova (6,5 ochko) uchinchi o‘rinni egalladi.
Chempionatning rapid bahslarida mamlakatimiz sportchilari 3 oltin, 4 kumush va 3 bronza medalni qo‘lga kiritib, umumjamoa hisobida birinchi o‘rinni egallagani haqida avval xabar bergan edik. O‘z yosh toifasida Shamsiddin Vohidov, Ortiq Nig‘matov, Gulruhbegim Tohirjonova Osiyo chempioni bo‘ldi. Afro‘za Hamdamova, Shahrombek Karimov, Akobirxon Saydaliyev, Nilufar Yoqubboyeva kumush medalni qo‘lga kiritdi. Humoyun Sindorov, Abdulbosit Sharifjonov va Georgiy Shvanov bronza medal bilan taqdirlandi.
Blits musobaqasida aka-uka Javohir va Islombek Sindorovlar qit’ada tengsiz ekanini isbоtladi. O‘n ikki yoshgacha o‘g‘il bolalar o‘rtasida Javohir 8 ochko bilan shohsupaning eng yuqori pog‘onasiga ko‘tarilgan bo‘lsa, Islombek o‘n yoshgacha bolalar bahsida 7,5 ochko jamg‘arib, oltin medalga sazovor bo‘ldi.
O‘z yosh toifasida Nodirbek Yoqubboyev, Humoyun Bekmurodov, Mahim Orazmuhammedova, Afro‘za Hamdamova kumush, Shamsiddin Vohidov, Sitora Saparova, Nozima Valiyeva bronza medal bilan taqdirlandi.
– Poytaxtimizda o‘tgan Osiyo chempionatida Vatanimiz sharafini munosib himoya qilganimizdan xursandmiz, – deydi Nodirbek Yoqubboyev. – Musobaqalar qiyin o‘tdi, raqiblarimiz bor tajriba va mahoratini namoyon etdi. Lekin biz murabbiylar va xalqimiz ishonchini oqlashga harakat qildik. Kelgusida jahon chempionatlarida ham yuqori natijalarga erishishga va’da beramiz.
O’zA
