Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Парижда очилган Ўзбекистон тарихи ва маданиятига оид кўргазмалар Франция ОАВ диққат марказида

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Парижда очилган Ўзбекистон тарихи ва маданиятига оид кўргазмалар Франция ОАВ диққат марказида

Франциянинг «Spectacle du Monde» нашри саҳифасида Парижда очилган Ўзбекистон тарихий-маданий мероси кўргазмаларига бағишланган мақола эълон қилинди, деб хабар бермоқда «Дунё» ахборот агентлиги мухбири.

Унда қайд этилганидек, Ўзбекистон Президенти Шавкат Мирзиёевнинг Францияга расмий ташрифи кунлари икки давлат раҳбарлари иштирокида Париждаги машҳур Лувр музейи ва Араб дунёси институтида иккита йирик кўргазма очилди. Ҳар иккала кўргазма Ўзбекистон тарихи ва маданий меросига бағишланган.

Мақола муаллифининг ёзишича, Луврдаги кўргазма дастлаб 2020—2021 йилларда ўтказилиши режалаштирилган эди, бироқ пандемия бу режалар ижросига тўсқинлик қилди ва уни 2022 йилга кўчиришга тўғри келди.

«Луврдаги кўргазма милоддан аввалги V-VI асрлардан Темурийлар ҳукмронлиги давригача бўлган даврни ўз ичига олади, Араб дунёси институти эса XIX - XX аср ўрталарига оид экспонатларни ҳамда Ўзбекистон давлат музейлари коллекциясида сақланаётган Туркистон авангартига оид суратларни тақдим этди» деб ёзади нашр.

Мақолада, шунингдек, 2017 йилда бошланган кўргазмаларни тайёрлашнинг узоқ жараёни ҳақидаги маълумотлар ҳам ўқувчилар эътиборига ҳавола қилинган. Алоҳида таъкидланишича, Ўзбекистон дунёга тарихий-маданий нуқтаи назардан жуда қимматли осори-атиқаларни кўрсатиши мумкинлиги аллақачон аён бўлган. Бу борада Ўзбекистон маданияти ва санъатини ривожлантириш жамғармаси ва Лувр музейи ўртасида ҳамкорлик шартномаси тузилиб, тайёргарлик ишлари бошланди. Ҳар икки кўргазмани тайёрлаш учун Ўзбекистон Бош вазири бошчилигида махсус комиссия тузилди. Бу даврда қазиш ишлари, реставрация ва тайёргарлик ишлари олиб борилди.

«VIII асрга оид Катталангар Қуръони саҳифаларини қайта тиклаш ва консервация қилиш айниқса қийин ва қизиқарли кечди, деб ёзади муаллиф. - Ушбу Қуръон Ислом олами ва мусулмонлар учун катта аҳамиятга эга бўлиб, бутун инсониятнинг маданий ва тарихий меросини ташкил этувчи қадриятлардан биридир».

Материалда қайд қилинишича, кўргазмани кўриш учун келаётганлар XIX –XX асрларга оид миллий тўқимачилик намуналари, либослар, бош кийимлар, заргарлик буюмлари, Бухоро амирлиги даврига оид зардўзи чопонлар, гиламларни кўришлари мумкин. Бундан ташқари, Нукусдаги И.В.Савицкий номидаги Қорақалпоғистон Республикаси давлат санъат музейи коллекциясидан Туркистон авангардига оид асарларни ўз ичига олган суратлар намойиш этилмоқда.

«Кўргазмада намойиш этилаётган экспонатларнинг аксарияти Ўзбекистондан ташқарида биринчи марта намойиш этилмоқда. Айниқса, ушбу кўргазмаларда мамлакатнинг барча ҳудудлари бир вақтнинг ўзида намойиш этилаётгани, ҳар бирининг ўзига хос фарқи, мактаби, ишлаб чиқариш техникаси борлиги алоҳида қадрлидир», деб ёзади «Spectacle du Monde».
«Дунё»