ПРЕЗИДЕНТ ШАВКАТ МИРЗИЁЕВ РОССИЯ ПРЕЗИДЕНТИ ВЛАДИМИР ПУТИННИ ПРЕЗИДЕНТ САЙЛОВИДА ЭРИШГАН ИШОНЧЛИ ҒАЛАБАСИ БИЛАН ҚУТЛАДИ
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Республикаси Президенти Шавкат Мирзиёев 19 март куни Россия Федерацияси Президенти Владимир Путинни Президент сайловида эришган ишончли ғалабаси билан қутлади.
Давлатимиз раҳбарининг табригида бўлиб ўтган сайлов натижалари Владимир Путин раҳбарлигида амалга оширилаётган ҳар томонлама ўйланган, Россия жамиятини бирлаштириш, одамлар турмуш даражасини юксалтириш, иқтисодиёт, инфратузилма ва давлат бошқарувини модернизация қилиш, давлат суверенитетини қатъий ҳимоя қилиш ва Россия Федерациясининг жаҳонда муҳим ўрин тутган давлат сифатидаги ролини мустаҳкамлашга қаратилган сиёсатга Россия халқи томонидан улкан ишонч билдирилаётгани ва ҳар томонлама қўллаб-қувватланаётганини яна бир бор намойиш этгани қайд этилган.
Ўтган йилнинг апрель ойида Россия Федерациясига амалга оширилган давлат ташрифи, яқин мулоқот, сиёсий ирода ҳамда томонларнинг амалий ҳамкорликни сифат жиҳатидан кенгайтиришга бирдек интилиши Ўзбекистон ва Россия ўртасидаги стратегик шериклик ва иттифоқчилик муносабатларини салмоқли даражада мустаҳкамлади.
Сиёсат, савдо-иқтисодий, инвестиция, банк-молия, транспорт-коммуникация, ҳарбий-техник, маданий-гуманитар ва кўплаб бошқа соҳаларда турли даражаларда олиб борилаётган фаол ҳамкорликда эришилган аниқ натижалар бундан далолат беради.